بھٹکل:13/ستمبر (ایس اؤنیوز)اترکنڑا ضلع پنچایت ، تعلیمات عامہ اور تعلقہ ہائی اسکول فزیکل ٹیچرس اسوسی ایشن کے اشتراک سے بیلکے سرکاری ہائی اسکول میدان میں دو روزہ تعلقہ سطح کے ہائی اسکول کھیل مقابلوں کا ضلع پنچایت صدر جئے شری موگیر نے کھیل پرچم کشائی کے ذریعے افتتاح کیا۔

افتتاح کے بعد خطاب کرتے ہوئے انہوں نے کہاکہ طلبا میں یک جہتی ، مساوات ، بھائی چارگی اور مل جل کر جینے کی خصوصیات کھیل سےپیدا ہوتی ہیں۔ ہر ایک طالب علم اپنی خود کی صلاحیتوں کا ماہر ہوتاہے، اس کو پہچان کر اجاگر کرنا ہم سب کی ذمہ داری ہونی کی بات کہی۔ سرکاری ملازمین سنگھ کے صدر ایم بی نائک نے خطاب کرتے ہوئے کہاکہ تعلقہ کے فزیکل ٹیچرس طلبا کی بہترین تربیت کرتے ہوئے انہیں ملکی اور ریاستی سطح پر روشن کررہے ہیں طلبا کی ہمہ جہت ترقی میں فزیکل ٹیچرس کا بہت بڑا رول ہونے کا خیال ظاہر کیا۔ بھٹکل تعلقہ پنچایت صدر ایشور بلیا نائک نے پروگرام کی صدارت کی۔ بیلکے گرام پنچایت صدر رمیش نائک، بھٹکل فزیکل ٹیچرس اسوسی ایشن کے صدر سریش نائک، سابق صدر محمد زاہد کوتوال ، فزیکل تعلیم افسر شریکانت نایک، بیلکے ہائی اسکول صدر مدرس چندرکانت گاؤنکر ڈائس پر موجود تھے۔ بی ای اؤ وینکٹیش پٹگار نے استقبال کیا تو فزیکل ٹیچرس اسوسی ایشن کے جنرل سکریٹری گوپال نائک نے شکریہ اداکیا۔ پرکاش شرالی نے نظامت کی۔