بھٹکل:19/ستمبر (ایس اؤنیوز)تعلقہ انتظامیہ ،بھٹکل بلدیہ اور پٹن پنچایت بھٹکل کے اشتراک سے تعلقہ پنچایت ہال میں شری وشو کرما جینتی کا تعلقہ پنچایت نائب صدر رادھا اشوک وئیدیا نے افتتاح کیا۔

افتتاح کے بعدخطاب کرتے ہوئے کہاکہ وشوکرما سماج کے لوگ بہت محنتی اور جفاکش لوگ ہیں، ان کے لئے حکومت نےکئی ایک سہولیات مہیا کی ہیں سماج کے لوگ ان سے استفادہ کرتےہوئے ترقی کرنے کی بات کہی۔ اسسٹنٹ کمشنر ایم این منجوناتھ نے پروگرام کی صدارت کی۔ پروگرام میں تحصیلدار بی ایچ گنگا، آراین ایس پالی ٹکنک لکچرر سنتوش ایم آچاریہ ، کرناٹکا وشوکرما سمودایا ابھیرودھی نگم کے ڈائرکٹر دیوی داس آچاریہ ، کالی کامبا مندر انتظامیہ کے سدانند آچاریہ نے بھی خطاب کیا۔ سریش آچاریہ نے نظامت کی ۔ راجو نائک نے شکریہ اداکیا۔