بھٹکل:25/جولائی (ایس اؤنیوز)ہیبلے گرام پنچایت حدود کے جامعہ روڈ پر واقع شمس اسکول میں منعقدہ نیو شمس اسکول آئی سی ایس سی طلبافسٹ کانویکیشن جلسے  میں امسال آئی سی ایس سی جماعت دہم کے سالانہ امتحانات میں کامیاب طلبا کی تہنیت کرتے ہوئے اسناد کی تقسیم کی گئی ۔ 

پروگرام کی صدارت کرتےہوئے تربیت ایجوکیشن سوسائٹی کے صدر عبدالقادر باشارکن الدین نے کہاکہ پہلے ہی سال نیو شمس اسکول کے آئی سی ایس سی نصاب کے طلبا امسال منعقدہ جماعت دہم کے سالانہ امتحانات میں 100فی صد نتائج کا درج کرنا ایک بہتر مستقبل کی طرف اشارہ ہے۔ مسلمان علم میں پچھڑے ہونے کی بات ہر جگہ سنائی دیتی ہے جب کہ اس کا سچائی سے کوئی تعلق نہیں ہے ، ابتداء سے ہی مسلمان اللہ کے نبی ﷺ کی پیروی کرتے ہوئے علم کو ہمیشہ ترجیح دی ہے، تعلیم سے ہی ہر طرح کے بدلاؤ کی امید کرسکتے ہیں، تربیت ایجوکیشن سوسائٹی کے ذریعے طلبا کو اقدار، معیار اور اخلاقی تعلیم دینے کا نظام ہونے کی بات کہی۔ مہمان خصوصی کی حیثیت سے شریک امریکہ کے کلی فورنیا میں مقیم بھٹکل کے مبشر قاضیا نے خطاب کرتے ہوئے کہاکہ جو طلبا پڑھائی میں کمزور ہوتے ہیں انہیں ذہین طلبا کی دوستی سے جوڑ کر انہیں علم کے میدان میں آگے بڑھنے کے لئے ترغیب دینے کی بات کہی۔ پروگرام میں انہوں نے جماعت دہم میں کامیاب طلبا کو گون پہنا تے ہوئے اسناد تقسیم کرکے ان کی عزت افزائی کی۔ طلبا امان اللہ اور سہیل نے نظامت کی۔ پرنسپال فہمیدہ ملا نے استقبال کیا۔ ایس ایس ایل سی 90فی صد سے زیادہ نمبرات حاصل کی طالبات حنا قاضیا، خدیجہ ضحٰہ، مریم سحر کی تہنیت کی گئی ۔ ادارے کے نائب صدر سید اشرف برماور ، شمس الومنی دبئی کے ذمہ دار رجیم ایس ایم، شمس انگلش میڈیم ہائی اسکول کے صدر مدرس محمد رضامانوی وغیرہ موجود تھے۔