بھٹکل تعلقہ ورکنگ جرنلسٹ اسوسی ایشن کا شاندارآغاز؛ معروف کنڑا ادیب نثار احمد نے کیا کلیدی خطاب؛ دس ہزار سے زائد لوگوں کی شرکت

Source: S.O. News Service | By Abu Aisha | Published on 9th January 2017, 2:53 PM | ساحلی خبریں | ریاستی خبریں |

بھٹکل 8/جنوری (ایس او نیوز) بھٹکل کے گروسدھیندرا کالج میدان میں مورخہ 7/ جنوری کو بھٹکل تعلقہ جرنلسٹ ایسوسی ایشن کے سلور جوبلی پروگرام کا شاندار آغاز ہوا جس کا افتتاح پدم شری ایوارڈ یافتہ کنڑا شاعر کے ایس نثار احمد نے کیا۔

نثار احمد نے اپنے خطاب میں کہا کہ کنڑا اخبارات کی 175سالہ تاریخ ہے۔ حقیقت پسندانہ صحافت کو فروغ دینے والے اخبارات ہی حقیقی معنوں میں اخبار ہوتے ہیں۔ صحافیوں کو چاہیے کہ وہ عوام اور سماج کے مسائل پر آواز اٹھائیں۔ اخبارات زبان کے فروغ میں بھی اپنا کردار ادا کرتے ہیں۔ مگر آج کل اخبارات کا مطالعہ کرنے والوں کی تعداد بہت ہی زیادہ گھٹ گئی ہے۔ خود ریاست کے مرکزی مقام بنگلورو میں کنڑا زبان کے چاہنے والوں کی کمی ایک تشویشناک بات ہے۔اس لئے مادری زبان کنڑا کو بچائے رکھنے اور فروغ دینے کے لئے سب کو متحد ہونا چاہیے۔

موصوف نے اپنے مختصر خطاب میں میڈیا، فلم اور ٹی وی چینلس پر زبردست تنقید کرتے ہوئے کہاکہ غیر ضروری اور بے کار کے موضوعات پر گھنٹوں بحث و مباحثہ میں مگن رہنے والا میڈیا  عوامی مسائل کو بالکل بھول چکا ہے، ٹی آر پی ہی ان کے لئے اہم مقصد بن گیاہے۔ اخبارنویسوں اور رپورٹروں سے مخاطب ہوتے ہوئے انہوں نے کہاکہ وہ تعصب اور تفریق سے کام نہ لیتے ہوئے منصفانہ رویہ اپنائیں۔ انہوں نے کہا کہ بعض اخبارنویسوں کی نہ زبان پر پکڑ ہوتی ہے اور نہ موضو ع پر۔  نہ اُنہیں صحیح ڈھنگ سے رپورٹنگ کرنی آتی ہے اور نہ ہی صحیح ڈھنگ سے لکھنا آتا ہے،  ان حالات سے ابھرنےکے لئے ضروری ہے کہ رپورٹروں کو خصوصی تربیت دی جائے اور بغیر تربیت کے اُنہیں صحافتی میدان میں نہ اُتارا جائے۔  فلمی دنیا کے تعلق سے گفتگو کرتے ہوئے انہوں نے کہا کہ یہاں بھی حالات بہت ہی خراب  ہیں، انہوں نے ارکان اسمبلی پر زور دیا کہ وہ کنڑا زبان والوں کو روزگارکے مواقع فراہم کرنے کے لئے ودھان سبھا میں سوال اُٹھائیں۔ تفریح کے نام پر چھوٹے چھوٹے بچوں کو فحش و جنسی تصاویر اور وڈیو نشر کئے جانے پر بھی اُنہوں نے نکیر کسی اور کہا کہ شوہر اور بیوی کے  بیڈروم کی بچوں سے نقل کرائی جارہی ہے، جس کے نتیجے میں بچے اپنا بچپن کھوکر وقت سے پہلے جوان ہورہے ہیں۔ انہوں نے کہا کہ معصوم بچوں کےبچپن کو بچپن کی طرح ہی گزارنے دیں،  بگ باس  (سیریل ) پر نشانہ تاکتے ہوئے انہوں نے کہا کہ اس کے ذریعے بھارتی تہذیب پر حملہ کیا جارہاہے، عورتوں کی عزت چوراہے پر نیلا م کرنے والے  وڈیو نشر کئے جارہے ہیں، اشتہار کے لئے حد سے زیادہ عورتوں کے استعمال کرنے پر بھی انہوں  نے بیزارگی کا اظہارکیا ۔

موصوف نے شہر بھٹکل کے متعلق اپنے خیالات کااظہار کرتے ہوئے کہاکہ بھٹکل بین المذاہب کا مرکز ہے، یہاں کے نوائطی مسلمان کافی ترقی یافتہ ہونےکے ساتھ ساتھ ان کی دین قابل ستائش ہے۔ اسی طرح نامدھاری ، گونڈ ، قدیم طبقات کے ساتھ گھل مل کر یک جہتی کا ماحول بنائے رکھاہے۔ انہوں نے بھٹکل تعلقہ جرنلسٹ ایسوسی ایشن کی طرف سے سلور جوبلی پروگرام کے انعقاد پر اپنی مسرت کا اظہار کرتے ہوئے کہا کہ ایسو سی ایشن نے بڑے معنی خیز اور مفید پروگرام ترتیب دئے ہیں۔

افتتاحی پروگرام کی صدارت کرتے ہوئے رکن اسمبلی منکال وئیدیا نے کہا کہ بھٹکل تعلقہ ورکنگ جرنلسٹ ایسو سی ایشن کے ارکان بڑی اچھی خدمات انجام دے رہے ہیں۔اخبارات عوامی مسائل کو اگر منتخب عوامی نمائندوں اور سرکار کے علم میں لانے کا کام کرتے ہیں تو ان مسائل کو حل کرنے میں بھی آسانی ہوتی ہے۔اس موقع پر سورنا نیوز کوور اسٹوری شعبے کی ایڈیٹر وجئے لکشمی شیبرور کو 'کراولی رتن' ایوارڈ سے نوازا گیا۔ وجئے لکشمی نے اپنے احساسات کا اظہار کرتے ہوئے کہا کہ صحافیوں کو اعتماد اور اعتبار حاصل کرنا چاہیے۔ مسائل کا مقابلہ کرنے کی صلاحیت ہونی چاہیے۔عوام کا تعاون اگر ملتا ہے تو پھر زیادہ سے زیادہ مبنی بر حقیقت رپورٹنگ کی جاسکتی ہے۔

 تعلقہ ورکنگ جرنلسٹ ایسو سی ایشن کے ویب سائٹ کا افتتاح ضلع پنچایت صدر جئےشری موگیر نے کیا۔ مہمانان خصوصی کے طور پرموجودریاستی جرنلسٹ ایسو سی ایشن کے صدر این راجو، فلم اداکار پریم، ادیب سید ضمیراللہ شریف وغیرہ نے اپنے خیالات کا اظہار کیا۔اسٹیج پرنامدھاری سماج کے صدر ڈی بی نائک، تنظیم جنرل سکریٹری محی الدین الطاف کھروری، بھٹکل ایجو کیشن ٹرسٹ کے منیجر راجیش نائک، ڈسٹرکٹ ورکنگ جرنلسٹ ایسو سی ایشن کے صدر سبرایا بھٹ بکّل، بگ باس کی شہرت یافتہ انوپما بھٹ، فلم اداکارہ شریا سنچن وغیرہ موجود تھے۔

 پروگرام کے آغاز میں تعلقہ ورکنگ جرنلسٹ ایسو سی ایشن کے صدر رادھا کرشنا بھٹ نے کلیدی خطاب کرتے ہوئے ایسو سی ایشن کے اگلے منصوبوں کے بارے میں تفصیلات پیش کیں۔نائب صدر محمد رضا مانوی نے استقبال کیا۔ ہوناور کی کلپنا ہیگڈے اور ٹیچر سریدھر شیٹھ نے پروگرام کی نظامت کی۔ سکریٹری بھاسکر نائک نے شکریہ ادا کیا۔کنڑا ساہتیہ پریشد کے صدر گنگادھر نائک نے سلور جوبلی کے تعلق سے ڈاکٹر ضمیراللہ شریف کی نظم گاکر سنائی۔ مزاحیہ فنکار رمیش بابو نے اپنے فن کا مظاہرہ کیا۔جبکہ جھنکار میلوڈیز کے راجارام پربھو نے اپنی سریلی آواز کا جادو جگایا۔آخر میں ریاستی سطح کا رقص کا مقابلہ منعقد ہوا۔

دس ہزار سے زائد لوگ رات قریب تین بجے تک پروگرام میں شریک رہےاور بالخصوص ریاستی سطح پر منعقدہ ڈانس مقابلہ سے خوب لطف اُٹھایا۔

ایک نظر اس پر بھی

بھٹکل میں چاند نظر آگیا؛ بھٹکل سمیت کنداپور، اُڈپی ، مینگلور اور کمٹہ میں کل اتوار کو منائی جائے گی عید؛ سعودی عریبہ اور دبئی میں بھی عید کا اعلان

آج سنیچر نماز مغرب کے فوری بعدچاند نظر آنے کے بعد نہ صرف بھٹکل بلکہ پڑوسی علاقوں شیرور، بیندور، گنگولی، کنڈلور، کنداپور، اُڈپی اور مینگلور میں عید الفطر کا اعلان کیا گیا ہے۔ بتایا گیا ہے کہ بھٹکل کی مسجد خالد بن ولید (گول مسجد) میں ایک عالم دین مولانا یونس برماور ندوی اور ...

عیدالفطر کی رات کو ہوگی مسقط میں بھٹکل مسلم جماعت کی عید ملن تقریب؛ بچوں کےہوں گے رنگا رنگ اور دلچسپ پروگرام

بھٹکل مسلم جماعت مسقط کی جانب سے گذشتہ سالوں کی طرح امسال بھی شاندار عید ملن تقریب کا انعقاد کیا گیا ہے جس میں بچوں کے رنگا پروگرام ہوں گے۔ عیدملن کی یہ خوبصورت تقریب عیدالفطر کی رات یعنی یکم شوال کو بعد نماز عشاء رامی  ڈریم ریسارٹ، سیب میں رکھی گئی ہے۔

سی بی ایس ای میں بھٹکل کی عائشہ ربیحہ اور ریحانہ مریم کی شاندار کامیابی؛ قطر اور مینگلور میں بھی بھٹکلی طلبہ کا شاندار پرفارمینس

ہر سال کی طرح امسال بھی میٹرک کے  CBSE میں بھٹکل اور اطراف کے طلبہ کے نتائج نہایت اطمینان بخش رہے ہیں اور بالخصوص گلف میں بھٹکلی طلبہ نے بہترین پرفارمینس کا اپنا ریکارڈ بحال رکھا ہے۔

بھٹکل رمضان بازار پر عوام کا ہجوم؛ بھٹکل سمیت پاس پڑوس کے علاقوں کی لوگ بھی خریداری کے لئے اُمڈ پڑے (29 ویں رمضان رات کی وڈیو جھلکیاں)

رمضان المبارک کے موقع پر آخری 10دنوں کے لئے مین روڈ پر لگائے جانے والا رمضان باکڑا بازار غریبوں اور متوسط طبقہ کے لئے بڑی اہمیت رکھتاہے۔ خاص کر آخر کے دو چاردن یہاں کپڑوں اور دیگر گھریلو اشیاء کی کروڑوں کی خریداری ہوتی ہے، اس کی خاصیت یہ ہے کہ یہ رمضان بازار صرف مسلمانوں کے لئے ...

ایس ایس ایل سی جوابی پرچوں کی دوبارہ جانچ کے بعد بھٹکل کے شریانک شیٹھ تعلقہ میں دوسرے رینک کے حقدار

ایس ایس ایل سی کے نتائج اعلان کئے جانے کے بعد طلبا کی طرف سے اپنے جوابی پرچوں کی دوبارہ جانچ کا مطالبہ کئے جانے سے تعلقہ اور ضلعی رینکنگ میں لگاتار تبدیلی ہورہی ہے۔ موصولہ اطلاعات کے مطابق تعلقہ کی شرالی چتراپور کے شریانک شری دھر سیٹھ کے سماجی سائنس کا پرچہ دوبارہ جانچ کرنے کے ...

بھٹکل کے ایم ڈی میاتھیو کی چھتیس گڑھ میں دستکاری کی تربیتی ورکشاپ میں شرکت

تعلقہ کے بینگرے میں اُسیرا انڈسٹریز کا قیام کرکے گذشتہ 25سالوں سے دستکاری اشیاء کی تیاری کرتےہوئے ملک و بیرون ملک فروخت کرنے والے کامیاب صنعت کا رخطاب پانے والے ایم ڈی میاتھیو کو چھتیس گڑھ کی حکومت نے تعاون کا مطالبہ کیا ہے۔

109؍ کروڑ کا دھوکہ، کلرک اور آڈٹ افسر ملزم

بروہت بنگلور مہانگر پالیکے(بی بی یم پی) کو جعلی بل ا ور دستاویزات منسلک کرکے 109؍ کروڑ روپیوں کا دھوکہ دینے پر انفراسٹرکچر ڈیولپمنٹ محکمہ کے فرسٹ ڈویژن کلرک ماینا اور محکمہ آڈٹ کے افسر ناگراج کارنت کے خلاف السور گیٹ پولیس تھانہ میں ایف آئی آر درج کی گئی ۔

کرناٹک کا دیرینہ خواب شرمندۂ تعبیر بنگلور شہر اسمارٹ سٹی کی فہرست میں شامل

بشمول راجدھانی بنگلور ملک کے 30؍شہروں کو مرکزی حکومت نے اسمارٹ سٹی کے طورپر ترقی دینے کے لئے منتخب کرلیاہے۔ مرکزی وزیر برائے شہری ترقیات وینکیا نائیڈونے آج اس کا اعلان کرتے ہوئے کہاکہ مرکزی اسمارٹ سٹی اسکیم کے تحت ان 30؍شہروں کو ترقی دی جائے گی۔

اب ڈیزل کی بھی ہوگی ہوم ڈیلیوری، بنگلور بنا پہلا شہر

بنگلور  ملک کا ایسا پہلا شہر بن گیا ہے جہاں پر لوگ اپنے گھر کے دروازے پر ڈیزل منگوا سکتے ہیں۔ٹھیک ویسے ہی جیسے آپ گھر بیٹھے اپنا پیزا، فوڈ، دودھ جیسی چیزیں آرڈر کرتے ہیں۔15جون کو مائی یٹرول پمپ نامی ایک اسٹارٹ اپ نے اس کی شروعات کی ہے۔یہ اسٹارٹ اپ ایک سال پرانی ہے