بھٹکل میں ڈایالیسس کا ایک مریض آپ کی نظر کرم کا محتاج ہے
بھٹکل 21؍مارچ (ایس او نیوز) دونوں گردے ناکام ہوجانے کی وجہ سے گزشتہ دوسال سے ڈایالیسس کے سہارے زندگی گزارنے والا ایک غریب اور بہت ہی تنگ حال شخص اہل خیر کی نظر کرم کا محتاج ہے۔
بھٹکل کے حنیف آباد کے رہنے والے جعفر ملا کی زندگی اسکول ٹیمپو کی ڈرائیونگ کے سہارے تنگ حالی کے باوجود ہنسی خوشی گزررہی تھی۔ لیکن گزشتہ دو سال قبل ان کے گردوں میں خرابی پیدا ہوگئی اور ان کے مرض کی تشخیص گردوں کی ناکامی کے 5ویں درجے کے طور پر ہوئی جس میں سوائے مسلسل ڈایالیسس کے دوسرا کوئی علاج کارگر نہیں ہوتا۔اے جے اسپتال کے گردوں کے ماہر(نیفرولوجسٹ) ڈاکٹر راگھویندرا نائک نے تصدیق کرتے ہوئے کہا ہے کہ جعفر ملا کو مہینے میں تین چار مرتبہ ڈیالیسس کروانا ضروری ہے اوراس کا ماہانہ خرچ 20تا 25ہزار روپے ہے۔
پہلے سے انتہائی تنگ دستی کے ساتھ جینے والے جعفر کے پاس اب محنت مزدوری یا ڈرائیونگ کرنے کی بھی طاقت اور گنجائش نہیں ہے۔ شمس انگلش میڈیم اسکول کے ہیڈماسٹر رضامانوی نے بھی تصدیق کی ہے کہ جعفر شمس میں ڈرائیونگ کرکے روزی کما رہا تھا ، مگر اب بیماری کے اس آخری درجے پر ہونے کی وجہ سے وہ کام کاج بھی اس کے لئے مشکل ہوگیا ہے اور مسلسل ڈیالیسس ہی پر وہ زندہ ہے۔لیکن بیوی اور تین معصوم بچوں کا تنہا سہارا جعفر ملا کی مالی حالت ماہانہ 25ہزار تک کا صرف ڈایالیسس کا خرچ اٹھانے کے قابل نہیں ہے۔ روزانہ کے گھریلو اخراجات کا بوجھ الگ سے ہے۔
لہٰذا اہل خیر سے درخواست کی جاتی ہے کہ اس غریب اور مستحق مریض کی دل کھول کر امداد کریں اور اس کے علاج میں تعاون فرمائیں اور عنداللہ ماجور ہوں۔مریض کے بینک کھاتے کی تفصیل اس طرح ہے:
نام: جعفر ملا
بینک: وجیا بینک بھٹکل
اکاونٹ نمبر: 107501011004300
آئی ایف ایس کوڈ: VIJB0001033
موبائل: 8861588285
