بھٹکل:ہندودھرم کو مفت میں بدنام نہ کریں،ترقی پر بات کریں :موگیر لیڈر ان کی پریس کانفرنس

Source: S.O. News Service | By Abu Aisha | Published on 9th May 2018, 8:58 PM | ساحلی خبریں |

بھٹکل 9/مئی (ایس او نیوز)مرکز میں مودی حکومت کو اقتدار پر آئے 4برس گزرگئے ان چار سالوں  میں ماہی گیر طبقے کے ساتھ ناانصافی کرنے کا مرکزی حکومت  پرموگیر طبقہ کے لیڈر راما موگیر نے  الزام لگایا۔

پریس کانفرنس میں بات کرتے ہوئے راما موگیر نے کہاکہ جی ایس ٹی کی وجہ سے ماہی گیرطبقہ کو کافی مشکلات و تکالیف کا سامنا کرناپڑاہے۔ مچھلی پکڑنے کے جال ، رسیوں ، انجن، سوکھی مچھلی  پر جی ایس ٹی عائد کئے جانے سے ماہی گیر پریشانی جھیل رہے ہیں۔ بی جے پی والوں کے لئے جھوٹ بولنا ہی ایک کام ہوگیا۔ بھٹکل میں ترقی کی نئی تاریخ بنانے والے منکال وئیدیا کے خلاف بے تکے الزامات لگانے کے علاوہ ذات پات کے نام پر ان کی ہتک کرنے سے ماہی گیر طبقہ بہت رنجیدہ ہے۔انہوں نے ماہی گیر طبقہ کے مسیحا منکال وئیدیا کی بے عزتی ، اہانت ،الزام تراشی نہ کئے جانے کی مانگ کی۔ انہوں نے بی جےپی پر الزام عائد کیا کہ بی جے پی والے ہندوتوا کاجعلی روپ ہے ، ہم سب ہندو ہیں، ہمیں ہندو دھرم  پر فخر ہے ، لیکن ڈھونگی لوگوں سے ہندو دھرم کا سبق لینے کی ضرورت نہیں ہے ۔ راماموگیر نے کہاکہ بی جے پی والے اپنا کام کریں ، ترقی پر بات کریں، مفت میں ہندو دھرم کو بدنام کریں۔

راما موگیر بھٹکل کے بی جے پی لیڈران ڈاکٹر چترنجن اور تمپا نائک قتل کے متعلق بات کرتے ہوئے کہاکہ بی جے پی کے رکن اسمبلی ، احترام کے قابل ڈاکٹر چترنجن اور بی جے پی لیڈر تمپا نائک کے قاتلوں کو گرفتار کرنے میں ناکام بی جے پی والے ان کی نعشوں پر آج بھی سیاست کر رہے ہیں، جب چترنجن کاقتل ہواتھا تو اڈوانی ، یڈیورپا سمیت کئی لیڈران نے جو غم کے آنسو بہائے تھے اسی رحم پر رکن اسمبلی اور وزیر بنے شیوانند نائک ودھان سبھا میں ایک مرتبہ بھی بات نہیں کرنا ان کے ڈھونگی ہندوتوا کو ظاہر کرتاہے۔

پریس کانفرنس میں کھاروی طبقہ کے لیڈر وسنت کھاروی نے بات کرتے ہوئے کہاکہ رکن اسمبلی منکال وئیدیا گذشتہ چار برسوں میں ماہی گیر طبقہ کے ساتھ دیگر تمام طبقات کی فکرکرتےہوئے ترقی کی نئی بنیاد ڈالی ہے۔ ایک ماہی گیر کی ہلاکت پر 2لاکھ روپئے اداکئے جانے والے معاوضہ کو منکال وئیدیا نے 6لاکھ روپئے طئے کراتے ہوئے سماجی کام کیا ہے۔ ایک وقت جب ماہی گیر ہلاک ہوتے تو ان کی نعش کو ڈھونڈنے کے لئے ترس جاتے تھے  لیکن منکال وئیدیا نے اپنی میعاد میں حادثے وقوع پذیر ہوتے ہی ہیلی کاپٹر کے ذریعے نعشوں کو تلاش کرکے پتہ لگانے میں کافی تعاون کیا ہے۔ حلقہ کے ماہی گیر طبقہ کے تمام لوگ منکال وئیدیا کے حق میں تشہیر کرتے ہوئے منکال وئیدیا کو جیت دلانے کا تہیہ کئے ہوئے ہیں۔ پریس کانفرنس میں موگیر سماج کے صدر بھاسکر موگیر، گابت سماج کے لیڈر موہن گابت، ہری کانت سماج کے کرشن ہری کانت، این این کھاروی ، ناگیش وغیرہ موجود تھے۔

ایک نظر اس پر بھی

 قطر  حلقہ ادب اسلامی کے زیراہتمام ڈاکٹر شاہ رشاد عثمانی کی صدارت میں  نعتیہ اجلاس ومشاعرہ کا انعقاد

بڑی مسرت کی بات ہے کہ حلقہء ادب اسلامی۔قطر نے 8 نومبر 2018م کی شب اپنا سالانہ نعتیہ اجلاس ومشاعرہ  ادار ہ ادب اسلامی ہند کے کل ہند صدر  ڈاکٹر شاہ رشاد عثمانی کی صدارت میں منعقد کیا، موصوف محترم، حلقے کی خصوصی دعوت پر دوحہ قطر تشریف لائے ہوے تھے، اجلاس میں ڈاکٹر رضوان رفیقی فلاحی ...

دوحہ قطر میں ’جدید ادبی تحریکات و نظریات پر ایک نظر‘توسیعی خطبہ کا انعقاد : ڈاکٹر شاہ رشاد عثمانی    کا پرمغز خطاب

جدید ادبی تحریکات و نظریات پر ایک نظر، اس عنوان کے تحت مؤرخہ 10 نومبر 2018م سنیچر کی شام حلقہء ادب اسلامی قطر نے ڈاکٹر شاہ رشاد عثمانی صاحب کی ہندوستان سے آمد کی مناسبت سے استفادہ کرتے ہوئے ایک توسیعی خطبہ کا اہتمام کیا، ڈاکٹر صاحب حلقہ کے سالانہ نعتیہ اجلاس و مشاعرہ کی صدارت کے ...

شادی میں شرکت مہنگی پڑی : 9خاندانوں کا سماجی بائیکاٹ ؛آج بھی انسانیت سوز روایت زندہ ؟

گاؤں کے ذمہ دار کی اجازت کے بغیر شادی میں شریک ہونے پر 9خاندانوں کابائیکاٹ کرتے ہوئے انہیں گاؤں سے ہی باہر کئے جانے کا غیرانسانی واقعہ پیش آیاہے۔ سماجی مقاطعہ ، عدم تعاون جیسے ناسور آج بھی زندہ رہنے کی تازہ مثال ہے۔

گوا میں فارمولین کے بہانے بیرونی ریاستوں کی مچھلی پر پابندی : کیا  علاقائی تنگ نظری اور مقامی مفاد اہم وجہ ؟

ریاست گوا کی سرکار پڑوسی و بیرونی ریاستوں سے آنے والی مچھلیوں پر عائد کی گئی پابندی  کے نتیجےمیں گوا کے مچھلی شائقین  اور ہوٹل صنعت کاری بری طرح متاثر ہوئی ہے۔ فی الحال گوا میں  مطلوبہ مچھلی  سپلائی نہیں ہونےکی وجہ سے مچھلی  کی قیمتیں آسمان کو چھور ہی ہیں ۔اس کے علاوہ گوا کو ...

کاروار: اننت کمار دوستانہ تعلقات کے مالک تھے: مرکزی وزیر کے انتقال پر ضلع نگراں کار وزیر دیش پانڈے کا تعزیتی پیغام

اترکنڑا ضلع نگراں کار وزیر آر وی دیش پانڈے نے مرکزی وزیر برائے کھاد اور پارلیمانی معاملات اننت کمار کے انتقال پر تعزیتی پیغام جاری کرتے ہوئے اپنے گہرے رنج و غم کا اظہار کیا ہے۔

بھٹکل انجمن اسلامیہ اینگلو اردو ہائی اسکول میں مولانا آزاد کے یوم پیدائش پر ’’یوم ِ تعلیم ‘‘ کا انعقاد  

امام الہند ،بھارت کے پہلے وزیر تعلیم مولانا ابوالکلام آزاد کے یوم پیدائش پر طلبا کو ان کی شخصیت سے متعارف کرانے اور وطن عزیز کی آزادی کے لئے ان کی طرف سے پیش کی گئی قربانیوں کو پیش کرنے کی غرض سے اسلامیہ اینگلو اردو ہائی اسکول بھٹکل میں مولانا آزاد لینگویج اینڈ لائبریری کلب کے ...