بھٹکل:17/جولائی (ایس اؤنیوز)تعلقہ کے مٹھلی میں بی جے پی بوتھ لیول توسیعی پروگرام کا گرام پنچایت ممبر شیوانی شانتارام نے افتتاح کرنےکے بعد خطاب کرتے ہوئے کہاکہ قومی سطح پر پارٹی کی اپنی ایک پہچان ہے ، کرناٹکا میں بھی اقتدار پانے کے لئے کارکنوں کو متحدہ کام کرنے پر زور دیا۔

پروگرام کی صدارت کئے بی جے پی ضلع سابق صدر ایم جی نائک نے کہا کہ بی جے پی کے قومی صدر پارٹی کو مستحکم کرنےکے لئے ملک بھر میں توسیعی منصوبے کا جاری کیا ہے۔ گذشتہ کئی انتخابات میں بی جے پی کو جیت حاصل ہوئی ہے، اسی طرح سال 2018کے ریاستی انتخابات کے پیش نظر یہ منصوبہ جاری کئے جانے کی بات کہی۔ اس موقع پر کئی کارکنان اور لیڈران کی تہنیت کی گئی ۔پروگرام میں بی جے پی بوتھ لیول کے صدر وینکٹ رمن نائک، وینکٹیش نائک، جگدیش نائک، گرام پنچایت ممبر چندرہاس نائک، بے بی نائک وغیرہ موجود تھے۔