بھٹکل اے پی سی آر کے زیراہتمام 9فروری کو اقلیتوں کے حقوق اور قانونی بیداری پر اجلاس عام:ہائی کورٹ کے وکلاء سمیت ماہرین کی شرکت

Source: S.O. News Service | By Abu Aisha | Published on 6th February 2018, 8:59 PM | ساحلی خبریں | ان خبروں کو پڑھنا مت بھولئے |

بھٹکل:6/ فروری (ایس اؤنیوز) انسانی حقوق کے کام کرنے والی تنظیم اسو سی ایشن فار پروٹکشن آف ہیومن رائٹس (اے پی سی آر)بھٹکل شاخ کے زیراہتمام 9فروری کی رات 9بجے بروز جمعہ بمقام نوائط کالونی تنظیم گراؤنڈ میں ملک کے بگڑتے حالات اور اقلیتوں پر ڈھائے جانے والے مظالم کی روک تھام میں قانونی جانکاری بیداری مہم کے تحت ’’ملک کے جمہوری نظام کو درپیش خطرات اور اقلیتوں کا کردار‘‘کے موضوع پر اجلاس عام منعقد ہونے اے پی سی آر کے اترکنڑا ضلع جنرل سکریٹری قمر الدین مشائخ نے پریس ریلیز کے ذریعے جانکاری دی ہے۔

اجلاس عام میں بنگلورو کے مشہور و معروف انسانی حقوق کے کارکن ، ہائی کورٹ کےسابق پبلک پروسکیوٹراوروکیل بی ٹی وینکٹیش نایک(ببرجنگ) اور قومی سطح پر موجودہ حالات پر گہری نظر رکھنے والی نوجوان شخصیت ولی رحمانی موضوع پر اظہار خیال کریں گے۔ اے پی سی آر کرناٹکا کے جنرل سکریٹری ، ہائی کورٹ کے وکیل نیا زاحمد منگلوراجلاس کی صدارت کریں گے۔ منتظمین نے بتایا کہ حالات کے تحت عوام خاص کر اقلیتوں میں قانون کی لاعلمی کی وجہ سے کافی دشواریوں کا سامنا ہے اس کو نظر میں رکھتےہوئے قانونی بیداری کےلئے یہ اہم اجلاس منعقد کیا جارہاہے۔

اے پی سی آر ملک بھر میں بلاتفریق مذہب، ذات، طبقہ ، نسل کے تمام غریبوں، لاچاروں ، مظلوموں ، دلتوں ، پسماندہ طبقات کو قانونی تحفظ فراہم کرنے میں سرگرم ہے۔ ناانصافی کا شکار ہوئے عوام کو انصاف دلانے کے لئے متحرک ہے، کئی ایک مقامات پر قانونی بیداری کے پروگرام منعقد کرتےہوئے ملک کی ترقی میں نوجوانوں کے رول کو اجاگر کرنےمیں اہم کردار نبھا رہی ہے۔ اسی پس منظر کو لے کر بھٹکل میں قانونی بیداری اجلاس منعقد کیا گیا ہے عوام سے استفادہ کی اپیل کی گئی ہے۔

ایک نظر اس پر بھی

شرالی قومی شاہراہ توسیع کا دھرنا تیسرے دن بھی جاری :  ضلع انتظامیہ کو  شاہراہ  تعمیر کا اختیار   نہیں : ایڈیشنل ڈی سی

شرالی میں گرام پنچایت کی قیادت میں 45میٹر کی توسیع والی شاہراہ تعمیر  کو لے کر  جاری دھرنے کے تیسرے دن کی دوپہر اترکنڑا ضلع ایڈیشنل ڈی سی ڈاکٹر سریش ہٹنال احتجاجیوں سے ملاقات کرتے  نیشنل ہائی وے اتھارٹی آف انڈیا کے حکم کے بنا ضلع انتظامیہ کچھ کرنا ممکن نہیں ہونے کی وضاحت کی۔ ...

بھٹکل انجمن ڈگری کالج کے زیر اہتمام 19فروری سے سہ روزہ یونیورسٹی سطح کا بیڈمنٹن ٹورنامنٹ انعقاد

کرناٹکا یونیورسٹی دھارواڑسے ملحق   کالجوں کے درمیان  مردوں اور خواتین کا زونل لیول سہ روزہ بیڈمنٹن ٹورنامنٹ 19فروری سے انجمن ڈگری کالج اینڈ پی جی سنٹر بھٹکل کے زیر سرپرستی انعقاد کئے جانےکی اطلاع کالج پرنسپال مشتاق شیخ نے دی۔

پلوامہ میں فوجیوں پر حملہ کے بعد اترکنڑا ضلع آٹویونین نے کیا ایک ہفتہ تک آٹو پر سیاہ پٹی باندھ کرشہید فوجیوں کوشردھانجلی دینے کا فیصلہ

جموں کشمیر کےپلوامہ میں سکیورٹی فورس پر ہوئے دہشت گرد حملے کی کڑی مذمت کرتے ہوئے ضلع کے آٹورکشاپر  اگلے ایک ہفتہ تک سیاہ پٹی باندھ کر شہید فوجیوں کو شردھانجلی دینے کا اترکنڑا ضلع آٹو رکشا یونین کے نائب صدر کرشنا نائک آسارکیری نے جانکاری دی۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔

بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

شرالی میں قومی شاہراہ کی تعمیر 45میٹر کی توسیع کے ساتھ ہی کی جائے ، کسی حال میں بھی توسیع کو 30میٹر تک کم کرنے نہیں دیں گے۔  مقامی  عوام کی سخت مخالفت کے باوجود ضلع انتطامیہ بدھ کو 30 میٹر کی توسیع کے ساتھ شاہراہ تعمیری کام کی شروعات کی۔