بھٹکل:3/اگست (ایس اؤنیوز)انجمن انسٹی ٹیوٹ آف ٹکنالوجی شعبہ میکانیکل انجنئیرنگ کے صدر ڈاکٹر کے فضل الرحمن کو بنگلورو رویندر کلا ہال میں منعقدہ کرناٹکا سانسکرتی اکیڈمی کی طرف سے بھوشن ایوارڈ سے نوازاگیا ۔
کرناٹکا تہذیبی اکیڈمی کی طرف سےسماجی خدمات، تعلیم اور صنعت کاری کے میدان میں نمایاں کام انجام دینےوالوں کو ہرسال ایوارڈ سے نوازا جاتاہے۔ ہائی کورٹ کے موظف جج ارلی ناگراج کی صدارت میں منعقدہ پروگرام میں انجمن انجننئیرنگ کالج بھٹکل کے ڈاکٹر فضل الرحمن کو ان کی تعلیمی خدمات اور طلبا کی تعلیمی رہنمائی کو دیکھتے ہوئے شال پہنا کر گلدستہ کے ساتھ انہیں کرناٹکا بھوشن ایوارڈ عطاکیاگیا۔ اس موقع پر کولی مٹھ کے شانت ویر مہا سوامی جی ، راج میڈیا کے صدر جی بی راجو، کاروار کے ابراہیم کلور سمیت کئی ایک ذمہ داران موجود تھے۔