بھٹکل وائی ایم ایس اے کے زیراہتمام این جی ٹی لیدربال کرکٹ ٹورنامنٹ کی شاندار افتتاحی تقریب

Source: S.O. News Service | By Abu Aisha | Published on 27th December 2017, 10:23 PM | ساحلی خبریں | اسپورٹس |

 بھٹکل:27/ دسمبر(ایس اؤنیوز)ینگ مسلم سرویس اسوسی ایشن (وائی ایم ایس اے ) کے زیر اہتمام28 دسمبر سے شروع ہونے والے تعلقہ لیول لیدر بال کرکٹ ٹورنامنٹ ’این جی ٹی بھٹکل ٹروفی -2017-2018‘ کی شاندارافتتاحی تقریب کا آج  بدھ 27دسمبر کو نوائط کالونی میں واقع تعلقہ  اسٹیڈیم میں انعقاد ہوا۔

تقریب کا آغاز سلمان کولا کی  تلاوت قرآن سے ہوا ، نبیغ برماورنے اسوسی ایشن کا ترانہ مترنم آواز میں پیش کیا۔ اسوسی ایشن کے جنرل سکریٹری مولانا عمران اکرمی نے مہمانوں کا استقبال کیاتو سید حسین ایس ایم نے اسوسی ایشن کا مختصر تعارف پیش کیا۔ منتظمین نے بتایا کہ یہ ٹورنامنٹ اگلے 22دنوں تک چلے گا 21جنوری 2018کو فائنل میچ ہوگا۔ ہر روز صبح میں ایک اور شام میں ایک میچ ہوگا۔

تقریب میں مہمان ِ خصوصی باسکٹ بال کے انٹرنیشنل ریفری اور مشہور اتھلیٹ عبدالمجید  جوکاکونے خطاب کرتے ہوئےنوجوانوں سے کہاکہ ہمیں مثبت سوچ ،بہترین اخلاق ، وسعت ظرفی ، وسیع المشربی کا مظاہرہ کرنا ضروری ہے، اس وقت عالمی اور ملکی سطح پر سنگین حالات کا سامنا ہے اور مستقبل نوجوانوں   کے ہاتھوں میں ہے ان حالات میں نوجوان متعلقہ خصوصیات کو اپنا کر ایک بہتر تعمیری رول اداکرسکتےہیں۔ اس موقع پر انہوں نے اسوسی ایشن کے ذمہ داران کو صلاح دیتے ہوئے کہاکہ بھٹکل میں ایک سوئمنگ پول کی  سخت ضرورت ہے اگر اس کا قیام ہو تو نوجوانوں کی تربیت ہونی چاہئے۔ ٹورنامنٹ کے انعقاد  پر مبارکبادی پیش کرتےہوئے ہر وقت تعاون کے لئے تیار رہنے کی بات کہی۔

اعزازی مہمان دبئی کے مشہور صنعت کار،بھٹکل پریمئیر لیگ دبئی کے چیرمن عتیق الرحمن منیری نے میدان کے خوشنما منظر سے محظوظ ہوتے ہوئے کہاکہ مختلف رنگوں میں ملبوس کھلاڑیوں کانظارہ بہترین منظر پیش کررہاہے۔انہوں نے کہاکہ ہم ہندوستانی ہیں مختلف میدانوں کے ساتھ ساتھ کھیل کے ذریعے بھی ہم بھٹکل نام کا روشن کریں۔اس موقع پر انہوں نے نوجوانوں کو ہر موقع پر نظم وضبط کو اپناکرایک بہترین کھلاڑی اور اچھے شہری کے طورپر اپنی پہچان بنانے کی تلقین کی۔

وائی ایم ایس اے کے صدرایم جے عبدالرقیب نے افتتاحی تقریب کی صدارت کی۔ فیڈریشن کے صدر امتیاز ادیاور،نصیف خلیفہ،عنایت اللہ شاہ بندری ، عبدالسمیع میڈیکل ،ناصر برماور، ساجد مصباح، عرفات عسکری ، انصاری پٹھان، مسعود جاکٹی،جاویدحسین آرماروغیرہ ڈائس پر موجود تھے۔

ایک نظر اس پر بھی

کل جمعرات کو مرڈیشور میں منایا جائے گا عالمی یوم یوگا

کل جمعرات 21 جون کو  تعلقہ کے مرڈیشور آر این شٹی  ریسڈینٹیل  میں عالمی یوم یوگا منایا جائے گا اس بات کی اطلاع مرڈیشور یوگا سمیتی کے صدر  منجپا نائک نے دی ہے۔ اخبار نویسوں سے گفتگو کرتے ہوئے انہوں نے بتایا کہ  پروگرام صبح چھ بجے شروع ہوکر 7:30 تک جاری رہے گا۔

کمٹہ میں بس نے دی راہ گیر کو ٹکر؛ شدید طور پر زخمی راہ گیر منی پال لے جانے کے دوران ہلاک

سرکاری کے ایس آر ٹی سی بس نے ایک راہ گیر کو ٹکر ماردی جس کے نتیجے میں راہ گیر شدید زخمی ہوگیا، جسے مقامی اسپتال میں ابتدائی طبی امداد کے بعد منی پال روانہ کیا گیا ہے۔ حادثہ  تعلقہ کے بیٹکولی دیہات میں  بدھ کی صبح پیش آیا۔

کاروار چیک پوسٹ پر محکمہ محصول نے مارا ایک لاری پر چھاپہ؛ 1.19 لاکھ مالیت کی گوا کی شراب برآمد

یہاں جوئیڈا کے قریب  گوا۔ انموڈ  سرحد پر واقع پولس چیک پوسٹ پر آج بدھ صبح محکمہ  محصولات (ایکسائز)  کے آفسران نے ایک لاری پر چھاپہ مارا اور اُس میں سے ایک لاکھ سے زائد مالیت کی گوا کی شراب برآمد کی جسے دوسرے سامانوں کےدرمیان چھپا کر  غیرقانونی طور پر  حیدرآباد لے جانے کی ...

اُڈپی میں بائک کو ٹکر دے کر فرار ہونے والے ٹمپو ڈرائیور پرچار سال بعد عدالت نے عائد کیا 2500 روپیہ جرمانہ

اُڈپی چیفسیویل جج اینڈ چیف میجسٹریٹ  فرسٹ کلاس عدالت نے  ایک ٹمپو ڈرائیور پر بائک کو  ٹکر دے کر فرار ہونے کے جرم میں 2500 روپیہ جرمانہ عائد کیا ہے اور رقم نہ بھرنے کی صورت میں اُسے چھ ماہ کی جیل کی سزا سنائی ہے۔

اُڈپی میں مویشیوں کے بیوپاری حُسین ابّا کے قتل کے معاملے میں گرفتار تین ملزموں کو ملی ضمانت؛ آٹھ کی ضمانت نامنظور

مویشیوں کے بیوپاری حُسین ابا کے قتل کے معاملے میں گرفتار دو لوگوں  پولس ہیڈ کونسٹیبل  موہن کوتوال اور بجرنگ دل لیڈر پرساد کونڈاڈی کی ضمانت عرضی کو    اُڈپی سیشن کورٹ نے  منظور کرلیا ہے اسی طرح ایک اورفرار شدہ بجرنگ دل کارکن  توکارام  کی  پیشگی ضمانت بھی منطور کرلی ہے۔

انگلینڈ نے آسٹریلیا کے خلاف تیسرے ون ڈے میں 481 رنز بناکر عالمی ریکارڈ بنادیا

آسٹریلیا کے خلاف سیریز کے تیسرے ون ڈے انٹرنیشنل میں انگلینڈ نے 6 وکٹ پر481 رنز بنا کر کئی ریکارڈز پاش پاش کردیے، یہ ایک روزہ بین الاقوامی کرکٹ میں بڑے مجموعے کا نیا ریکارڈ شمار ہوگا، اس سے قبل پاکستان کے خلاف 3 وکٹ پر 444 رنز کا عالمی ریکارڈ بھی انگلینڈ کے قبضے میں ہی تھا تاہم انگلش ...

پہلی بار فٹ بال کپ کیلئے قرۃ العین بلوچ کی آواز میں گانا ریلیز

روس میں جاری 21 ویں فٹ بال ورلڈ کپ کا فیفا کی جانب سے جاری کردہ آفیشل گانا ’لو اٹ اپ‘ یوں تو کپ شروع ہونے سے ایک ماہ قبل ہی جاری کردیا گیا تھا۔تاہم اب ملٹی نیشنل مشروب کمپنی ’کوکو کولا‘ نے بھی پہلی بار پاکستان میں فٹ بال ورلڈ کپ کا خصوصی اینتھم سانگ جاری کردیا۔

بال ٹیمپرنگ کے الزام پر سری لنکن ٹیم بھڑک اٹھی

ویسٹ انڈیز سے دوسرے ٹیسٹ میں بال ٹیمپرنگ کے الزام پر سری لنکن ٹیم بھڑک اٹھی۔ویسٹ انڈیز کے خلاف سیریز کے دوسرے ٹیسٹ میں بال ٹیمپرنگ کاالزام عائد ہونے پر سری لنکن ٹیم نہ صرف غصے سے بھڑک اٹھی بلکہ اس نے میدان میں بھی اترنے سے انکار کردیا تھا۔