بھٹکل:12/جون (ایس اؤنیوز)شری گروسدھیندرا بی بی اے اور بی سی اے کالج بھٹکل کے آڈیٹوریم میں ضلع قانونی خدمات بورڈ کمیٹی ، وکلاء تنظیم بھٹکل ، تعلقہ انتظامیہ ،محکمہ خواتین واطفال، محکمہ بچہ ترقی منصوبہ ، تعلقہ سماج کلیان محکمہ ، محکمہ تعلیمات عامہ بھٹکل کے اشتراک سے عالمی بچہ مزدوری مخالف دن منایا گیا ۔

بھٹکل تعلقہ قانونی خدمات بورڈ کمیٹی کی چیرمن اور سنئیر سول جج راگھویندرا ڈی نے پروگرام کاافتتاح کرنے کے بعد خطاب کرتے ہوئے کہاکہ بچے مستقبل کے شہری ہیں، بچپن میں انہیں تعلیم مہیا ہونی چاہئے، بچہ مزدوری کے ذریعے ان کی زندگی برباد ہونے کا خیال ظاہر کیا۔ سنئیر وکیل شریسٹی نے بچہ مزدوری پر اپنا مقالہ پیش کرتے ہوئے کہاکہ بچہ مزدوری کے لئے غربت اور ناخواندگی اہم سبب ہے ، اب تعلیمی پالیسی بھی بدلی ہے جس کے تحت 14سال تک بچہ کو لازماً مفت میں تعلیم دینا ہے، جس کے تحت ہم شعور بیدار کرنےکی بات کہی۔ عالمی بچہ مزدوری مضمون نویسی مقابلہ میں جیت حاصل کئے طلبا میں انعامات کی تقسیم کرنے کے علاوہ مٹھائی تقسیم کی گئی ۔ بھٹکل اعلیٰ سول جج ہنومنت راؤ کلکرنی ، اسسٹنٹ کمشنر ایم این منجوناتھ ، تحصیلدار وی این باڈکر ، بھٹکل تعلقہ معاون سرکاری افسر اندرا نائک، بی ای اؤ وینکٹیش پٹگار، وکلاء تنظیم کے صدر را ج وردھن نائک، وکیل جی ٹی نائک، کملاکر بھیرومنے، درگپا سدنمنے ، آر جی نائک وغیرہ موجود تھے۔