بھٹکل:16؍فروری (ایس او نیوز) جموں کشمیر کےپلوامہ میں سکیورٹی فورس پر ہوئے دہشت گردانہ حملے کی کڑی مذمت کرتے ہوئے ضلع کے آٹورکشا یونین نے اپنے آٹو رکشہ پر  اگلے ایک ہفتہ تک سیاہ پٹی باندھ کر شہید فوجیوں کو شردھانجلی دینے کا فیصلہ کیا ہے۔

 اترکنڑا ضلع آٹویونین ممبران کی میٹنگ کے بعد پریس کانفرنس سے بات کرتے ہوئے اس طرح کی جانکاری دی گئی۔ انہوں نے مرکزی حکومت سے دہشت گردوں اور انہیں ساتھ دینےو الوں کے خلاف سخت کارروائی کرنےکا مطالبہ کرتے ہوئے کہاکہ ملک کا ہرایک شہری اس کے انتظار میں ہے۔ ضلع آٹورکشایونین کے شیوراج میستا ہوناور، وشوناتھ گوڈاسرسی، اُدئیے نائک کاروار، سریش شٹی ، سنجو ہریکانت، کرشنا نائک مرڈیشور، مادیو نائک وغیرہ موجود تھے۔