بھٹکل:21/اگست (ایس اؤنیوز)تعلقہ کے بیلکے سرکاری ہائی اسکول میدان میں تعلقہ پنچایت صدر ایشور نائک نے کھیل پرچم کشائی کرتےہوئے دسہرہ کھیل مقابلوں کا افتتاح کیا۔

افتتاح کے بعد خطاب کرتے ہوئے تعلقہ پنچایت صدر نے کہاکہ کھلاڑی کھیل کے جذبات کے ساتھ ک کھیلیں، ہر مقابلہ میں بہتر سے بہتر پرفارمنس دکھاتے ہوئے بھٹکل کا نام روشن کرنے کی بات کہی۔ تعلقہ پنچایت نائب صدر رادھا اشوک وئیدیا ، اسٹانڈنگ کمیٹی چیرمن وشنو دیواڑیگا، ممبران مہابلیشور نائک، ہنومنت نائک، میناکشی نائک، بی ای اؤ وینکٹیش پٹگار، فزیکل ایجوکیشن نگراں کار شری کانت نایک، بیلکے ہائی اسکول کے صدر مدرس چندرکانت گاؤنکروغیرہ موجود تھے۔ تعلقہ پنچایت آفیسر سی ٹی نائک نے استقبال کیا تو یوتھ اینڈ اسپورٹس آفیسر ناگراج پٹگار نے شکریہ اداکیا، چدانند پٹگار نے نظامت کی۔