بھٹکل ٹاؤن میونسپل کاؤنسل کی میعاد کار ختم؛ ڈرینیج کا مسئلہ ہنوز سنگین

Source: S.O. News Service | By Shahid Mukhtesar | Published on 13th March 2019, 2:11 PM | ساحلی خبریں |

بھٹکل13؍مارچ (ایس او نیوز) پانچ سال قبل انتخابات کے دور سے گزر کر بھٹکل ٹی ایم سی کی نشستوں پر براجمان ہونے والے 23اراکین کی میعاد کار 11 مارچ کو اختتام پزیر ہوئی اور بھٹکل اسسٹنٹ کمشنر ساجد ملانے ٹی ایم سی کے ایڈمنسٹریٹر کے طور پر چارج لے لیا۔خیال رہے کہ اپنی میعاد پوری کرنے والی اس ٹی ایم سی میں جناب صادق مٹا صاحب صدر، جناب کے ایم اشفاق صاحب نائب صدر اور جناب قیصر محتشم صاحب اسٹانڈنگ کمیٹی کے چیر مین تھے۔

23وارڈوں پر مشتمل بھٹکل میونسپالٹی کی خاص بات یہ ہے کہ عام طور پر یہاں کاؤنسلرزتنظیم کی حمایت سے منتخب ہوتے ہیں۔ سابقہ میعاد میں 15 اراکین بلامقابلہ منتخب ہوگئے تھے۔ بقیہ 8نشستوں پر انتخاب عمل میں آیا تھا۔اس کے علاوہ عہدیداروں کے تعلق سے بھی تنظیم کی رہنمائی میں فیصلہ کیاجاتا ہے اور اسی پر عمل ہوتا ہے۔اگر سرکاری طور پر عہدہ پسماندہ ذات یا قبیلے کے لئے مختص کیا جاتا ہے تو پھر اسی حساب سے متعلقہ ذات یا طبقے کوعہدہ ملتا ہے۔

ڈرینیج کے مسائل: بھٹکل ٹی ایم سی کو درپیش مسائل میں ڈرینیج کا مسئلہ بہت ہی اہم ہے۔ گندے اور برساتی پانی کی نکاسی کے لئے سڑک کنارے بنائی گئی نالیاں درست حالت میں نہ رہنے اور ہر جگہ کچرے ، مٹی ، پتھر وغیرہ سے بلاک ہوجانے کی وجہ سے بارش کی دنوں میں سڑکیں تالاب بن جاتی ہیں۔ زیر زمین ڈرینیج کا نظام ناقص ہونے کی وجہ سے شہر کے اندر گھروں میں پینے کے پانی کے جو کنویں ہیں ان کے اندر گندا پانی گھس گیا ہے۔اور یہ مسئلہ گزشتہ دس پندرہ برسوں سے سنگین ہوتا جارہا ہے اور اسے ابھی تک اطمینان بخش طریقے سے حل نہیں کیا جاسکا ہے۔

میری میعاد میں کام ہوا ہے : ٹی ایم سی کے مسائل کے متعلق پوچھنے پر میعاد کار ختم ہونے والی کاؤنسل کے صدر جناب صادق مٹا نے کہا کہ میں نے اپنی گزشتہ ڈھائی سال کی میعاد میں ممکنہ حد تک زیادہ سے زیاد ہ مسائل حل کرنے اور عوامی خدمات انجام دینے کی بھرپور کوشش کی ہے۔انہوں نے بتایا کہ شہر کی 90 فیصدی سے زیادہ سڑکوں کا تعمیری کام ہوا ہے ، اور انہیں درست حالت میں لایا گیا ہے۔ گھر گھر سے کچراجمع کرنے اور اس کی نکاسی کے لئے 8 گاڑیاں حاصل کی گئی ہیں اور منظم انداز میں کچرا نکاسی کا کام انجام دیا جارہا ہے۔پینے کا پانی فراہم کرنے کے سلسلے میں بہت زیادہ توجہ دی گئی ہے۔اس کے علاوہ زیر زمین ڈرینیج کا نظام درست کرنے کے لئے تقریباً 200کروڑ روپیوں کے منصوبے پر عمل ہورہا ہے اور اس کے لئے ٹینڈر منظور ہوگیا ہے۔

مسائل ہوں تو رابطہ کریں: اب بھٹکل ٹی ایم سی کے لئے انتخابات کا اعلان کب ہوگا اس تعلق سے کچھ کہا نہیں جاسکتا، لیکن بعض ذرائع کے مطابق پارلیمانی انتخابات ختم ہونے کے بعد ہی بلدیہ کے انتخابات کیے جائیں گے۔اورجب تک بلدیہ کے انتخابات منعقد نہیں ہوتے تب تک بھٹکل اسسٹنٹ کمشنر ہی اس کے ایڈمنسٹریٹر رہیں گے۔ بلدیہ کا چارج لینے کے بعد اے سی ساجداحمد ملا نے کہا کہ’ ’بلدیہ کے حدود میں عوام کودرپیش مسائل کو حل کرنے کی طرف پوری توجہ دی جائے گی۔ترقیاتی کام کے لئے کوئی رکاوٹ نہیں ہوگی۔ اس کے علاوہ روزانہ بلدیہ کے دفتر میں پہنچ کر میں معائنہ کیا کروں گا۔ کسی بھی قسم کی شکایت ہوتو عوام مجھ سے رابطہ کرسکتے ہیں۔‘‘

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔