بھٹکل:19/ستمبر (ایس اؤنیوز)بھٹکل میونسپالٹی عمارت پر ہوئے پتھراؤ اور توڑپھوڑ کے معاملے میں پولس نے مزید دو لوگوں کو گرفتارکرلیا ہے، جس کے ساتھ ہی اس معاملہ میں گرفتارشدگان کی تعداد اب 9ہوگئی ہے۔

گرفتارشدگان کی شناخت تلاند کے مکین راجو سکرا نائک (29)اور جالی کے مکین گنپتی رام نائک (31) کی حیثیت سے کی  گئی ہے۔ پولس ذرائع نے بتایا کہ  پولس نے معاملے کو سنجیدگی سے لیتے ہوئے وڈیوکلپس اور تصاویر کی بنیاد پر ملزمان کی فہرست میں اضافہ کرتے ہوئے ان کی گرفتاری کاسلسلہ جاری رکھا ہے۔ اس سلسلے میں پولس افسران نے وضاحت کرتےہوئے بتایا کہ پولس یوں ہی بے کار میں کسی کو گرفتار نہیں کررہی ہے ، ملزمان کی فہرست میں جن کے نام درج ہیں اس تعلق سے وڈیو اور تصاویر کو دیکھ کر اور تصدیق کرنےکے بعد ہی گرفتاری کی کارروائی کو انجام دیا جارہا ہے۔