بھٹکل:10؍ڈسمبر (ایس او نیوز)طلبا اپنی زندگی میں منزل کو طئے کرکے کوشش کریں تو کامیابی ممکن ہونے کا کنداپور کی شکشا پربھا اکیڈمی آف کامرس ایجوکیشن کے صدر پرتاپ چندر شٹی نے خیال ظاہر کیا ۔
وہ یہاں دی نیو انگلش پی یوکالج میں سی اے اور سی ایس کورسس کے متعلق منعقدہ جانکاری پروگرام میں طلبا سے مخاطب تھے۔ انہوں نے سی اے اور سی ایس امتحانات کے متعلق تفصیلات بتاتے ہوئے کہاکہ صر ف کامرس شعبہ کے طلبا ہی نہیں بلکہ اگر کچھ کردکھانے کی دھن ہے تو آرٹس اور سائنس شعبہ کے وہ طلبا جو معمولی طورپر کامیابی حاصل کئے ہیں وہ بھی سی اے اور سی ایس کی پڑھائی کرسکتے ہیں۔ اکیڈمی کے سکریٹری بھرت شٹی نے سی اے اور سی ایس کورسس کے مرحلہ وار امتحانات اور امتحانات کی تیاری کے متعلق تفصیلی جانکاری دی۔ کالج پرنسپال وریندر شانبھاگ نے صدارت کی۔ لکچرر ناگ لکشمی نے نظامت کے فرائض انجام دئیے۔