بھٹکل:تنگنگنڈی ہائی اسکول کا متعلم کھیل مقابلوں میں ریاستی سطح کے لئے منتخب
بھٹکل:12/ جنوری (ایس اؤنیوز)ضلع پنچایت تعلیمات عامہ اترکنڑا، ڈپوٹی ڈائرکٹر تعلیمات عامہ کاروار، بی ای اؤ دفتر ہوناور کے اشتراک سے تعلقہ کے ہیبلے میں اپاہج بچوں کے لئے ضلعی سطح کے کھیل مقابلے منعقد کئے گئے ، جس میں ہیبلے ،تنگنگنڈی ہائی اسکول کے 10ویں میں زیر تعلیم متعلم چدانند سکرو گونڈا کھیل مقابلوں میں حصہ لیتے ہوئے ریاستی سطح کے لئے منتخب ہواہے۔
چدانند گونڈاہیامر تھرو اور ایٹی تھرو میں دوم مقام حاصل کرتےہوئے ریاستی سطح کے لئے اہلیت حاصل کی ہے۔ چدانند کی کارکردگی پر اسکول ترقی بورڈ کمیٹی کے صدر، ممبران ، بی ای او وینکٹیش پٹگار، صدر مدرس، فزیکل ٹیچر اور کوچر دیورایا نایک اور اساتذہ نے مبارکبادی پیش کی ہے۔