بھٹکل : اساتذہ ہی اپنی محنت و مشقت سے طلبا کو نئی روشنی دکھاتے ہیں : یوم ِ اساتذہ پروگرام میں ماہرین
بھٹکل:5/ستمبر(ایس اؤ نیوز)استاد کا پیشہ مقدس پیشہ ہے، طلبا کو تاریکی سے نکال کر روشنی اور شعور کی طرف لانے والے اساتذہ ہی ہونے کا ضلع پنچایت ممبر البرٹ ڈیکوستھا نے خیال ظاہر کیا۔
وہ یہاں اترکنڑا ضلع پنچایت ، تعلیمات عامہ اور تعلقہ گرووندنا سمیتی کے اشتراک سے کملاوتی رام ناتھ شانبھاگ ہال میں یوم اساتذہ کی مناسبت سے اساتذہ کے اعزا ز میں منعقدہ پروگرام کا افتتاح کرنےکے بعد خطاب کررہے تھے۔ انہوں نےکہاکہ استادوں کے لئے تدریس کا پیشہ صرف پیشہ نہ ہو بلکہ وہ ان کا مقصد ہو۔ اساتذہ اپنے لباس، بات چیت، چال چلن سےمعاشرے میں عزت و احترام کا مقام پیدا کریں۔
ادیب ڈاکٹر جی ایل ہیگڈے نے خصوصی مقالہ پیش کرتے ہوئے کہاکہ اساتذہ پر ملک تعمیر کرنےکی اہم ذمہ داری ہے، زندگی میں صرف کمائی کا مقصد نہ رکھنے کی صلاح دی۔ ضلع پنچایت ممبر سندھو بھاسکر نائک، تعلقہ پنچایت ممبر وشنو دیواڑیگا، بھٹکل اسسٹنٹ کمشنر ساجد ملا، تعلقہ پنچایت آفیسر سی ٹی نائک، اربن بینک کے جنرل مینجر ایس اے رزاق نے بھی اپنے خیالات کا اظہار کیا۔ تعلقہ پنچایت نائب صدر رادھا اشوک وئیدیا نے پروگرام کی صدارت کی۔ ضلع پنچایت ممبر ناگما ماستی گونڈ، تحصیلدار وی این باڈکر ، پرائمری ٹیچرس سنگھ کے صدر شنکر نائک، ہائی اسکول ٹیچر سنگھ کے صدر شری دھر جمبور مٹھ، سنتوش، صدر مدرسہ سنگھ کے صدر شری دھر موگیر ، نیوانگلش ہائی اسکول کے صدر مدرس ایم کے نائک وغیرہ موجود تھے۔ بی ای اؤ ایم آر منجی نے استقبال کیا۔ استاد شری دھر شیتھ ، پرمیشور نائک، منجولا شیرورنے نظامت کی۔ بھٹکل کنڑا ساہتیہ پریشد کی طرف سے اساتذہ کے لئے منعقدہ نظم نگاری مقابلے کے انعام یافتگان میں پریشد کے صدر گنگادھر نائک کی موجودگی میں انعامات کی تقسیم کی گئی ۔