22 ستمبر کو ہوگا بھٹکل کے قومی سماجی ادارہ مجلس اصلاح و تنظیم کا عام اجلاس ؛ اراکین سے شرکت کی درخواست
بھٹکل 6/ستمبر (ایس او نیوز) قومی سماجی ادارہ مجلس اصلاح وتنظیم بھٹکل کا اجلاس عام مورخہ 22 ستمبر بروز سنیچر صبح ساڑھے دس بجے تنظیم ہال میں منعقد ہوگا جس میں تنظیم کی دوسالہ کارکردگی رپورٹ پیش کی جائے گی۔
تنظیم کے جنرل سکریٹری جناب محی الدین الطاف کھروری نے پریس ریلیز جاری کرتے ہوئے تمام اراکین سے عام اجلاس میں شرکت کرنے کی درخواست کی ہے۔ ریلیز کے مطابق اجلاس میں دستور کے مطابق ہر عام رکن کو مجلس کے اُمور کے متعلق سوالات کرنے کا حق رہے گا، البتہ تحقیق طلب اُمور کے لئے ممبران کو تین دن قبل جنرل سکریٹری کے نام اپنے سوالات تحریراً پہنچانا ہوگا۔ جنرل سکریٹری نے تمام ممبران سے مقررہ وقت پر اجلاس میں شریک ہوکر اجلاس کو کامیاب کرنے کی اپیل کی ہے۔
عام اجلاس کی صدارت تنظیم کے صدر ایڈوکیٹ جناب مزمل قاضیا صاحب کریں گے۔