بھٹکل کی مختلف زمینات کے نقشہ جات فراہم کرنے تنظیم وفد کی بنگلور میں ریاستی سروے کمشنر سے مطالبہ

Source: S.O. News Service | By Abu Aisha | Published on 4th October 2018, 10:27 PM | ساحلی خبریں | ان خبروں کو پڑھنا مت بھولئے | ریاستی خبریں |

بھٹکل:4/ اکتوبر(ایس اؤ نیوز) بھٹکل کے عوام کو اپنی ہی زمین پر سرچھپانے کےلئےعمارت کی تعمیر کرنا جوئے شیر لانے کے برابر ہے۔ جب کبھی اس سلسلے میں عمارت تعمیرکرنے  کی منظوری کے لئے متعلقہ محکمہ سے رجوع کیا جاتا ہے  تو جواب ملتاہے کہ آپ کے زمین کا نقشہ ہی نہیں ہے۔اس سنگین مسئلے کو لے کر مجلس اصلاح و تنظیم بھٹکل کا ایک وفد بنگلورو میں محکمہ رینیوو کے ریاستی کمشنر منیش مڈگل سے ملاقات کی اور اُنہیں میمورنڈم پیش کرتے ہوئے   مسئلہ کے حل کی درخواست کی۔

ملاقات کے دوران وفد نے کمشنر کو باور کرایا کہ برسوں پرانی زمینات کے نقشے اگر محکمہ میں نہیں ہیں تو عوام کہاں جائیں؟ اس سلسلے میں متعلقہ افسران کو ہدایات جاری کرتے ہوئے سروے کرائے جانے کی درخواست کی۔

اس تعلق سے   نائب  کمشنر رمیش   نے  افسوس ظاہر کرتے  ہوئے کہاکہ مقامی اور ضلعی افسران کے ہوتے ہوئے  یہاں تک آپ کا آنا افسوس ناک ہے۔ انہوں نے  یقین دلایا کہ آپ بھی ضلع کے ڈپٹی کمشنر سے اس سلسلے میں ملاقات کریں ، میں بھی اپنی طرف سے انہیں ہدایات دوں گا۔

تنظیم کی طرف سے دئیے گئے میمورنڈم میں کہا گیا ہے کہ بھٹکل شہر کے کئی علاقوں کے نقشہ جات ناپید ہیں، متعلقہ محکمہ سے رجوع کرتے ہیں تو وہاں  نقشہ جات میسر نہیں ہونے کا پتہ چلتاہے۔ مثال کے طورپر بھٹکل تعلقہ سوسگڑی دیہات کے نوائط کالونی ، عثمان نگر، پرانا بھٹکل ، سروے نمبر 9999، 351،اے1/351،اے1اے2، 510،بھٹکل گلمی کے سروے نمبر 267اے کے علاقوں کی زمین کے نقشہ جات ہی نہیں ہیں۔ اس کے علاوہ  جالی دیہات میں سرکارکی طرف سے منظور کردہ سروے نمبر 66پر واقع 120پلاٹ، وینکٹاپور دیہات کے سروے نمبر 88پر موجود 150پلاٹ کے نقشے ہی نہیں ہیں۔ جن علاقوں کا یہاں تذکرہ کیاگیا ہے وہ شہر کے قدیم علاقوں میں شمار ہوتے ہیں، تعجب کی بات ہے کہ متعلقہ محکمہ میں ابھی تک ان علاقوں کی زمینات کے نقشے نہیں ہیں۔

میمورنڈم کے مطابق عوام  ان علاقوں میں رہائش کے لئے گھروں اور مکانوں کی تعمیر نہیں کرپارہے ہیں، کافی پریشانی جھیلنی پڑرہی ہے۔ جب کبھی متعلقہ محکمہ کو گھر یا عمارت کی تعمیر کے لئے عرضی دی جاتی ہے توافسران اسی عرضی کے پیچھے ’’ہمارے محکمہ میں اس زمین کا کوئی نقشہ نہیں ہے‘‘  لکھ کر ہاتھ میں تھما دیتے ہیں۔ اور بھٹکل کے نوائط کالونی اور دیگر علاقوں میں سرکار کی طرف سے قریب 50سال پہلے منظور شدہ کئی پلاٹوں کے نقشے محکمہ میں ہی نہیں ہیں۔ جس سے عوام کو" کے جی پی"  بنانے اور عمارت کی تعمیر کرنا ممکن نہیں ہوپارہاہے۔ کل ملا کر بھٹکل کی ترقی رک سی گئی ہے۔ میمورنڈم میں تنظیم کی جانب سے کمشنر صاحب سے اپیل کی گئی ہے کہ فوری طورپر سٹی سروے کے ذریعے کارروائی کی جائے تنظیم نے  شہر کی تمام زمینات کے نقشہ جات کو فراہم کرنے کا مطالبہ کیا ہے  اور زور دیا ہے کہ اس سلسلے میں متعلقہ افسران کو ہدایات جاری کرتے ہوئے کام مکمل کرنے کی ہدایات دیں۔ اس موقع پر تنظیم کے جنرل سکریٹری محی الدین الطاف کھروری ، نائب صدر عنایت اللہ شاہ بندری ، جناب محتشم برنی جعفر، جناب کے ایم اشفاق وغیرہ موجود تھے۔

میمورنڈم کو وصول کرتے ہوئے ایک طرف نائب کمشنر رمیش نے اپنی جانب سے کاروائی کا یقین دلایا  وہیں ریاستی کمشنر منیش مڈگل نے  بھی  نقشہ جات  جاری کرنے کے لئے متعلقہ آفسران کو ہدایات دینے کا یقین دلایا۔

ایک نظر اس پر بھی

ایران میں گرفتار اُترکنڑا کے ماہی گیروں کی فوری رہائی کا مطالبہ کرتے ہوئے کرناٹکا این آر آئی فورم کا دبئی میں ہندوستانی سفارت کار سے ملاقات

  ریاست کرناٹک کے ضلع اُترکنڑا کے 18 ماہی گیروں کی ایران میں گرفتاری کے بعد اُن کی رہائی کی کوششیں تیز ہوگئی ہیں۔ اس تعلق سے تازہ اطلاع یہ ہے کہ  دبئی میں موجود ماہی گیروں کے رشتہ داروں نے  کرناٹکا این آر فورم کے  اہم ذمہ دار اور قائد قوم جناب ایس ایم سید خلیل الرحمن صاحب سے ...

ریاستی وزارت سے مہیش کا استعفیٰ منظور

پانچ ریاستوں کے اسمبلی انتخابات میں کانگریس اور بی ایس پی کے درمیان مفاہمت کی کوشش ناکام ہوجانے کے نتیجے میں ریاستی کابینہ سے استعفیٰ دینے والے بی ایس پی کے وزیر این مہیش کو استعفیٰ واپس لینے کے لئے منانے میں جے ڈی ایس قیادت کی کوشش ناکام ہوجانے کے بعد آج وزیراعلیٰ نے مہیش کا ...

ای اسٹامپ پیپر اب آن لائن دستیاب ہوگا

کسی طرح کے دستاویزات تیار کرنے کے لئے درکار ای اسٹامپ کاغذ کی دستیابی اب تک ایک بہت بڑا مسئلہ ہوا کرتی تھی، 100 روپے کے اسٹامپ پیپر کے لئے بھی بھاری رقم ادا کرکے اسے حاصل کرنا پڑتا تھا،

ساحلی علاقے میں موسلادھار بارش۔ آسمانی بجلیوں سے نقصانات

ساحلی علاقے میں اور خاص کر جنوبی کینرا ضلع میں اتوار کی شام سے رات دیر گئے تک زبردست بارش ہوئی ہے۔ بادلوں کی گھن گرج کے ساتھ بجلیوں کے کڑکنے کا سلسلہ بھی جاری رہا اور بعض مقامات پر بجلی گرنے سے گھروں کونقصان پہنچنے کی اطلاعات بھی ملی ہیں۔

بھٹکل میں زائد منافع کالالچ دے کر 100کروڑ سے زائد رقم کی دھوکہ دہی کا الزام : کمپنی مالکان کے گھروں کا گھیراؤ اور احتجاج

شہر کے آزاد نگر میں واقع فلالیس نامی کمپنی کے مالکان  پر سو کروڑ سے زائد رقم لے کر فرار ہونے کا الزام عائد کرتے ہوئے  سینکڑوں لوگوں نے آج اُن  کے مکانوں  کا گھیراو کیا اور اپنی رقم واپس دینے کا مطالبہ کرتے ہوئے احتجاج کیا۔  احتجاجیوں کا کہنا تھا کہ   فلالیس نامی جعلی کمپنی ...

ریاستی وزارت سے مہیش کا استعفیٰ منظور

پانچ ریاستوں کے اسمبلی انتخابات میں کانگریس اور بی ایس پی کے درمیان مفاہمت کی کوشش ناکام ہوجانے کے نتیجے میں ریاستی کابینہ سے استعفیٰ دینے والے بی ایس پی کے وزیر این مہیش کو استعفیٰ واپس لینے کے لئے منانے میں جے ڈی ایس قیادت کی کوشش ناکام ہوجانے کے بعد آج وزیراعلیٰ نے مہیش کا ...

ای اسٹامپ پیپر اب آن لائن دستیاب ہوگا

کسی طرح کے دستاویزات تیار کرنے کے لئے درکار ای اسٹامپ کاغذ کی دستیابی اب تک ایک بہت بڑا مسئلہ ہوا کرتی تھی، 100 روپے کے اسٹامپ پیپر کے لئے بھی بھاری رقم ادا کرکے اسے حاصل کرنا پڑتا تھا،

دیوے گوڈا سدرامیا اور ڈی کے شیوکمار ایک ساتھ انتخابی مہم چلائیں گے

سابق وزیر اعظم ایچ ڈی دیوے گوڈا نے طے کیا ہے کہ تین لوک سبھا اور دو اسمبلی حلقوں کے ضمنی انتخابات کے مرحلے میں وہ اپنے دو کٹر سیاسی حریفوں سابق وزیراعلیٰ سدرامیا اور ریاستی وزیر آبی وسائل ڈی کے شیوکمار کے ہمراہ ایک ساتھ انتخابی مہم میں حصہ لیں گے۔