بھٹکل:تعلقہ ورکنگ جرنالسٹ اسوسی ایشن کے سلورجوبلی پروگرام : سابق لوک آیوکتہ سنتوش ہیگڈے کے ہاتھوں ضلعی صحافتی ورکشاپ کا انعقاد
بھٹکل:21/جون (ایس اؤنیوز) بھٹکل تعلقہ ورکنگ جرنلسٹ اسوسی ایشن کے سلور جوبلی پروگرام کی مناسبت سے 8جولائی کو یوم صحافت کے موقع پر ضلعی وکلاء اور صحافیوں کے لئے ضلعی سطح کا ایک ورکشاپ رکھا گیا ہے جو شری ناگ یکشھا دھرمارتھ ہال میں ہوگا۔ اس بات کی اطلاع اسوسی ایشن کے صدر رادھا کرشنا بھٹ اور سکریٹری بھاسکر نائک نے پریس ریلیز کے ذریعے دی ہے۔
پریس ریلیز کے مطابق ورکشاپ کا افتتاح سپریم کورٹ کے موظف جج اور سابق لوک آیوکتہ شری سنتوش ہیگڈے کریں گےتو پروگرام کی صدارت مقامی رکن اسمبلی منکال وئیدیا کریں گے۔ سلور جوبلی کے موقع پر شائع کئے جانے والے ساونیر کے اطلاعاتی فولڈر کا اجراءضلع کے سنئیر صحافی جی یو بھٹ کے ہاتھوں ہوگا۔ مہمان خصوصی کے طورپر قاضیہ بلڈرس اینڈ ڈیولپرس کے مالک اور بھٹکل کے مختلف اداروں کے سرگرم رکن محمد یونس قاضیا تشریف فرما ہوں گے، جرنلسٹ اسوسی ایشن کے ریاستی صدر این راجو ، ضلعی صدر سبرائے بھٹ بکل ، ناگ یکشا دھرمادیوی کے صدر رام داس پربھو سمیت دیگر ذمہ داران، پروگرام میں اعزازی مہمان کے طور پرشریک ہوں گے ۔
پروگرام میں مہرے ہنومنت راؤ ریاستی ایوارڈ یافتہ کراولی منجاؤ کے مینجنگ ایڈیٹر گنگادھر ہیرے گتی کی تہنیت کی جائے گی ۔اسی طرح ہرسال کی طرح امسال بھی یوم صحافت کے موقع پر سماجی کارکنان کو تہنیت پیش کی جائے گی۔