بھٹکل:30/اگست(ایس او نیوز)تعلقہ کے وشوکرما ملازمین سنگھ کا دوسرا سالانہ جلسہ کا انعقاد شری کالی کامبا مندر چوتھنی میں منعقد ہوا۔
ڈاکٹر اشوک آچاریہ نے پروگرام کا افتتاح کرنے کے بعد خطاب کرتے ہوئے کہاکہ سماج کے تمام لوگ تعلیم پر توجہ دیں، سماج کی ترقی کے لئے ملازمین محنت کرنے کی بات کہی۔ سنگھ کے مقامی صدر وینکٹیش آچاریہ نے پروگرام کی صدارت کی۔ ڈائس پر کنداپور کے وشوکرما سماج کے لیڈر کے ردریاآچاریہ، چوتھنی مندر کے نگراں کار سدانند نارائن آچاریہ ، بھٹکل سرکاری ڈگری کالج کے عارضی لکچرر پریما نارائن آچاریہ کے علاوہ کئی ایک ملازمین شریک تھے۔ اس موقع پر کئی ایک تہنیت کی گئی ۔ وشوناتھ نے استقبال کیا تو وشوناتھ آچاریہ نے رپورٹ کی خواندگی کی، جئے شری آچاریہ نے پرارتھنا کی ، سریش آچاریہ نے نظامت کی۔