بھٹکل:13/ستمبر (ایس اؤنیوز)حکومت کرناٹکا پی یو بورڈ بنگلورواورانجمن پی یو کالج فار ویمن کے اشتراک سے انجمن پی یوکالج ،انجمن آباد بھٹکل میں بروزجمعرات14ستمبر2017کی صبح 30-09بجے تعلقہ سطح کے پی یو طلبا کے درمیان ثقافتی مقابلوں کا اہتمام کئے جانے کا پرنسپال دفتر کی طرف سے جاری کردہ پریس ریلیز میں جانکاری دی گئی ہے۔
ثقافتی مقابلوں کا کالج فنکشن ہال میں صبح 30-09بجے اترکنڑا ضلع تعلیمات عامہ پی یو کے ڈپوٹی ڈائرکٹرکے جی بھٹ افتتاح کریں گےسرکاری پی یوکالج ہلیال کے پرنسپال ایچ کے شیکھرپا پروگرام کی صدارت کریں گے اور جنتا ودیا لیہ پی یو کالج شرالی کے پرنسپال رام رتھ اعزازی مہمان ہونگے تو انجمن حامئی مسلمین بھٹکل کے نائب صدر سید عبدالرحمن باطن ؔ افتتاحی جلسے کے مہمان خصوصی ہونگے۔
پی یو طلبا کے مابین کوئز ،انگریزی کنڑا زبانوں میں مذاکرے ، تقاریر ،سائنسی موضوعات پر تقاریر ،مونو ایکٹنگ،ڈبیٹ وغیرہ مقابلہ جات ہونے کی جانکاری دی گئی ہے۔ تعلقہ کے تمام پی یو کالج کے ذمہ دار اساتذہ اور مساہم طلبا وقت مقررہ پر شریک ہونےکی پریس ریلیز میں پرنسپال ڈاکٹر فرزانہ محتشم نے اپیل کی ہے۔