بھٹکل:16؍فروری (ایس او نیوز)ماحولیات سے لگاؤ، تحفظ،چیلنج اور حل کے سلسلے میں منعقد کیا گیا یہ ورکشاپ بہت ہی مفید ہے، اس ورکشاپ سے عوام ماحولیات کے متعلق جوبھی غلط فہمی ہے اس کو دور کرنے میں معاون ہونے کا رکن اسمبلی سنیل نائک نے خیال ظاہرکیا۔

وہ یہاں سنیچر کو ساگر روڈ پر واقع سالو مرد تمکا باغ میں اترکنڑا ورکنگ جرنالسٹ اسوسی ایشن ، ورکش لکش آندولن کرناٹکا، سنٹر فار پالیسی ریسرچ کاروار، شری شیوشانتکا ادارے کے اشتراک سے منعقدہ ریاستی سطح کے سمینار اور ورکشاپ کا پودوں کو سیراب کرتے ہوئے افتتاح کرنے کے بعد خطاب کررہے تھے۔

رکن اسمبلی نےکہاکہ جب تک ہم خود نہیں بدلتے تب تک ماحولیات کی حفاظت ممکن نہیں ہے ، ہم صرف برائے نام نہ کریں بلکہ ماحولیات کے متعلق جو بھی مسائل ہیں اس کے حل کی طرف سنجیدگی سے قدم اٹھانے کی با ت کہی۔ انہوں نے قومی شاہرا ہ کی جاری تعمیر کے متعلق کہاکہ غیر سائنٹفک طورپر کام کیا جارہاہے، ہمارے پاس جو معدنیات کا خزانہ ہے اس کو لوٹنے کے مقصد سے ہی مٹی ، پتھر وغیرہ نکال کر دوسری طرف لےجانےکی سازش ہے۔ ماہی گیری میں بھی 30فی صدکی کمی آئی ہے۔ لائٹ فشنگ سے ماحولیات کو نقصان پہنچتا ہے ، ایسی جانکاری عوام تک پہنچانے کے لئے مسلسل کام کرنے کی بات کہی۔

شاہراہ پر سفر کے عنوان پر بنائی گئی رپورٹ کا اجراء کرنےکے بعد ضلع پنچایت صدر جئے شری موگیر نے خطاب  کرتےہوئے کہاکہ ماحولیات کے متعلق ہرایک فکر کرے، اس سلسلے میں مزید پروگرام منعقد کرنےکی با ت کہی۔

مغربی گھاٹ دستہ کے سابق صدر اننت ہیگڈے آشیسر نے افتتاحی کلمات پیش کرتے ہوئے ماحولیات کے تحفظ کے لئے بطور شہری ہم کیا کیا کرسکتے ہیں اس تعلق سے غور وفکر کرنےکی ضرورت پر زور دیا۔ اوشدھی مولیکا پرادھیکار کے ماہر ، ممبر کیشوؤ کورسے نے ماحولیاتی تحفظ پر روشنی ڈالی۔انسداد  آلودگی بورڈ کے اعلیٰ افسر راج شیکھر پرانیک نے شاہراہ کی تعمیر سے عوام کو درپیش مسائل پر تفصیلی گفتگوکی۔ اترکنڑا ضلع ورکنگ جرنالسٹ اسوسی ایشن کے ضلعی صدر رادھا کرشنا بھٹ نے پروگرام کی صدارت کی۔ اس موقع پر اُڈپی ورکنگ جرنالسٹ اسوسی ایشن کے صدر گنیش پرساد پانڈیلو، بی ایچ راگھویندرا، ڈاکٹر منجو، پروفیسر کمار سوامی ، ڈاکٹر مہابلیشور، وجیا ہیگڈے ، وشویشوربھٹ، ڈاکٹر سبھاس چندرن ، معاون فاریسٹ افسر بال چندر ، شنکر گوڈا وغیرہ موجود تھے۔