بھٹکل کے یلووڑی کوؤور میں افسران نے سرکاری ہاڑی زمین کا اتی کرم ہٹایا : کئی زیر تعمیر عمارات منہدم
بھٹکل:6؍ڈسمبر (ایس او نیوز) ضلع ڈپٹی کمشنر سے دی گئی ہدایات کے مطابق تعلقہ کے یلووڑی کوؤور گرام پنچایت حدود میں اتی کرم سرکاری ہاڑی زمین پر تعمیر کردہ اتی کرم عمارات کو تحصیل افسران نے پولس تحفظ میں نکال باہرکیا۔
یلووڑی کوؤور گرام پنچایت حدود کے سرپن کٹا دیہات کے سروے نمبر 217/Aکونار روڈ پر نارائن وینکٹیا نائک کی ملکیت والی زیر تعمیر عمارت ،سرپن کٹا حدود میں ہنومنت نارائن نائک ، ناگما سومیا نائک، منجپا شنیار نائک کی ملکیت والے 12دکانیں اور گولی بیلور حدود کے سروے نمبر 70پر روی ماستپا نائک کے زیر تعمیر گھر کو نکال باہر کی گئی فہرست میں شامل ہیں۔ پہلے ہی افسران نے تعمیرات کو روکنےکا انتباہ دئیے جانےکی اطلاعات موصول ہوئی ہیں۔ اب عوامی شکایات کی بنا پر ڈی سی نکول نے اتی کرم عمارات کو ہٹانے کا حکم دیا تو تحصیلدار شنکر گوڈا کی قیادت میں تحصیل افسران گنپتی میتری ، وشوناتھ گانوکر، انیا لمانی ، کے شمبھو، سلمان خان ، منوج گانجیکر وغیرہ کارروائی میں شریک تھے۔ دیہی پولس تھانہ انسپکٹر انپا موگیر کی قیادت میں جائے وقوع پولس سکیورٹی کے انتظامات کئے گئے تھے۔