بھٹکل کے منکولی شمشان میں اچانک آگ بھڑک اُٹھنےسے عوام میں دہشت :فائربرگیڈ اور عوامی تعاون سے پالیا گیا قابو
بھٹکل:16/فروری (ایس او نیوز) تعلقہ کے منکولی شمشان حدود میں اچانک آگ بھڑکنے کے نتیجے میں علاقہ میں کچھ دیر کے لئے خوف وہراس کا ماحول پیدا ہو گیا کیونکہ تیزی سے پھیل کر قریب میںواقعہ پٹرول بنک کے قریب پہنچ گئی تھی۔ یہ واقعہ جمعرات کی شام کو پیشآیا ہے۔
سگریٹ یا بیڑی پی کر پھینکنے کی وجہ سےشمشان میں آگ بھڑکنے کا شبہ ظاہر کیا گیا ہے۔ ایسے میں صبح سے ہی شہر میں تیز ہوائیں چل رہی تھی جس کے نتیجے میں شمشان میں بھڑکی آگ تیزی کے ساتھ اطراف کے علاقہ میں پھیلنے لگی تو لوگ شمشان پہنچ کر آگ بجھانے کی کوشش میں جٹ گئے ۔ اسی دوران شمشان سے متصل ناریل کے درخت بھی آگ کی لپیٹ میں آگئے تو لوگ مارے خوف کے سہم گئے ، پڑوس میں ہی پٹرول بنک ہونے کی وجہ سے لوگ دہشت میں پڑگئے اتنے میں فائر برگیڈ جائے وقوع پرپہنچ گیا، اور عوامی تعاون سے آگ پر قابوپانے میں کامیابی حاصل ہوئی، اس طرح ایک بڑے خطرے کو ٹال دیا گیا۔