بھٹکل میں آدھا تعلیمی سال گزرنے پر بھی ہائی اسکولوں کے طلبا میں نہیں ہوئی شو ز کی تقسیم : رقم کا کیا ہوا ؟
بھٹکل:24؍نومبر (ایس او نیوز) تعلیمی سال 2018-2019 کا آدھا تعلیمی سال گذر چکاہے اور اگلے دو تین مہینوں میں سالانہ امتحانات ہونے والے ہیں، لیکن بھٹکل کے سرکاری ہائی اسکولوں میں سرکار کی جانب سے دئے جانے والے شوز کی تقسیم ابھی تک نہیں ہوپائی ہے، جس پر عوام سوالات اُٹھارہے ہیں کہ آخر شوز کی رقم کہاں ہے ؟
بھٹکل تعلقہ کےہائی اسکولوں میں 1000سے زائد طلبا زیر تعلیم ہیں۔ ریاستی حکومت نے طلبا میں شو اور ساکس کی تقسیم کےلئے متعلقہ اسکولوں کو رقم منظور کرچکی ہے مگر ابھی تک شوز کی خریداری مکمل نہیں ہوئی ہے۔ (قومی پرائمری تعلیمی منصوبے کے ماتحت آنے والے 4اسکول شوز مسئلہ سے پار ہوگئے ہیں) ۔ مقامی سطح پر کم قیمت پر معیاری شوز خریدنے کاسبق پڑھاتے ہوئے اساتذہ، افسران تعلیمی سال مکمل ہونے کے انتظار میں ہیں۔ اگلے دو تین مہینوں میں سالانہ امتحانات شروع ہوجائیں گے،ایسے میں طلبا اور سرپرستوں کے سوال کا کوئی جواب نہیں مل پارہاہے کہ سرکاری منصوبے سے منظور شدہ شو اور ساکس کی تقسیم کاری کب ہوگی؟ اسی طرح عوامی سطح پر چہ مئگوئیاں بھی ہوری ہیں کہ کیا کہیں سرکارکی طرف سے منظور شدہ رقم کا غلط استعمال تو نہیں ہورہا ہے یا پھر سیاسی مداخلت وجہ سبب بنی ہے؟۔
اس تعلق سے جب افسران سے دریافت کیا گیا تو ان کا جواب یہ تھا کہ بھٹکل سرکاری ہائی اسکولوں کے بینک کا کھاتہ نمبر غلط درج ہونے کی بنا پر رقم منتقلی کا مسئلہ درپیش ہے جس کی وجہ سے طلبا شوز اورساکس سے محرو م رہ گئے ہیں۔ اسکول اکاؤنٹ نمبر متعلقہ اسکولوں کے صدور مدرس ہی دیتے ہیں ، رجسٹرڈ کرنے والے محکمہ تعلیمات کے سرکاری افسران ہوتے ہیں ، جب آفسران سے پوچھا گیا کہ ان دونوں میں غلطی کس کی طرف سے ہوئی ہے تو جواب نہیں دیا گیا۔ اس دوران 3-4 اسکولوں کو شو دئیے گئے ہیں مگر ابھی تک تقسیم نہیں کئے گئے ہیں، جب پوچھا گیا کہ طلبا میں شوز کب تقسیم ہوں گے تو جواب ملا کہ ابھی اس کی قسمت نہیں کھلی ہے۔
حکومت اعلان کرتی ہے کہ تعلیمی سال کے شروع میں ہی طلبا کو ضروری اشیاءمہیا کئے جاچکے ہیں۔ لیکن عوام پوچھ رہے ہیں کہ عوامی نمائندے ، اساتذہ ، افسران کی غیر ذمہ دارانہ حرکتوں سے پورا نظام ٹھپ ہورہاہے آخر اس کو کیسے برداشت کریں۔
معاملے کو لے کر بھٹکل بی ای اؤ دفتر کی وسائل آفیسر یلما سے بات کی گئی تو انہوں نےقبول کیا کہ اب تک بھٹکل کے سرکاری ہائی اسکولوں کے طلبا میں شو ز اورساکس تقسیم ہوجانے چاہئے تھے۔ سرکار نیفٹ کے ذریعے متعلقہ اسکولوں کے کھاتوں کو رقم جمع کرتی ہے۔ انہوں نے مزید بتایا کہ شو تقسیم کیوں نہیں ہوئے اس سلسلے میں وہ متعلقہ ہائی اسکولوں کے صدور اور مدرسین سے تحریر ی جواب مانگیں گی۔
