بھٹکل:ریاستی حکومت کا کسانوں کے قرضے معاف کرنا کسانوں کے لئے بڑی راحت اور مسرت کا لمحہ ہے : کے جے نائک
بھٹکل:21/جون (ایس اؤنیوز) ریاست میں برسراقتدار کانگریس حکومت نے کسانوں کے 50ہزارروپیوں کے قرضہ جات کو معاف کرنے کا جوفیصلہ لیا ہے اس سے ریاست کے کسان کافی خوش اور ان میں اعتماد کی فضا پیدا ہونے کا ریاستی کانگریس زرعی مزدور شعبہ کے بھٹکل شاخ صدر کے جے نائک نے ان خیالات کااظہار کیا۔
ریاستی حکومت کے قرضہ جات معاف پالیسی کا اعلان کرنے کے بعد پریس ریلیز جاری کرتے ہوئے انہوں نے کہاہے کہ ریاستی حکومت کا کسانوں کے قرضے معاف کرنا ان کی کسان پالیسی کو واضح کرتی ہے۔ کسانوں کی تکالیف اور پریشانیوں کا ریاستی حکومت کو شعور ہے ، مرکزی حکومت کسانوں کے قرضے معاف کرنے میں پس و پیش کرتی رہی ،لیکن ریاستی حکومت آگے بڑھ کر 8615کروڑ روپیوں کابوجھ سہتے ہوئے کسانوں کی بڑی مدد کی ہے۔ ریاست کے 22لاکھ سے زائد کسانوں کے قرضے معاف کرنے سے انہیں بڑی راحت میسر آئی ہے۔ تعلقہ کے تمام کسانوں کی طرف سے میں وزیر اعلیٰ سدرامیا کو مبارکباد ی پیش کرتےہوئے ان کا شکریہ اداکرنے کی بات کہی ہے۔