بھٹکل اسپورٹس ڈاٹ کوم کی جانب سے بہترین کھلاڑیوں کی تہنیت؛ بھٹکل کے کھلاڑیوں کو بنگلور کے کلب میں جوائنٹ ہونے سابق کبڈی کپتان کا مشورہ

Source: S.O. News Service | By I.G. Bhatkali | Published on 23rd January 2018, 2:08 AM | ساحلی خبریں | اسپورٹس | ان خبروں کو پڑھنا مت بھولئے |

بھٹکل 23/جنوری (ایس او نیوز)  بھٹکل کے کھلاڑیوں کے ریکارڈ کو محفوظ رکھنے اور کھیل سے متعلق تمام خبروں کا احاطہ کرنے کے تعلق سے قائم بھٹکل اسپورٹس ڈاٹ کوم کی طرف سے پیر  کو بعد نماز عشاء بھٹکل تعلقہ اسٹڈیم میں کھلاڑیوں کی ہمت آفزائی کرنے اور انہیں ایوارڈ سے نوازنے کے  مقصد سے ایک خوبصورت پروگرام منعقد کیا گیا جس میں  بھٹکل کے مختلف کھیلوں میں بہترین پرفارمینس پیش  کرنے والے کھلاڑیوں کو انعامات و اعزازات سے نوازا گیا۔

اس موقع پر خطاب کرتے ہوئے انڈین کبڈی ٹیم کے سابق کپتان  اور ارجن ایوارڈ یافتہ  مسٹر بی سی رمیش کمار نے کہا کہ جب ہم کبڈی کھیلا کرتے تھے تو اُس وقت  ہماری ہمت آفزائی کرنے والے کوئی نہیں تھے، پرانی لمحات کو یادکرتے ہوئے انہوں نے کہا کہ جب ہم 2004 میں ورلڈ کپ جیت کر آئے  تو  اُس وقت ہم خود میڈیا کے پاس گئے تھے اور اپنا جیت کر آیا  ہوا فوٹو اُن کو دیا تھا،  مگر آج کبڈی کافی ترقی کرچکا ہے اور آج کرکٹ سے بھی زیادہ کبڈی کے کھلاڑیوں کو عزت کی نگاہ سے دیکھا جاتا ہے۔بی سی رمیش کے مطابق کرکٹ کی مقبولیت کو دیکھتے ہوئے 2014 میں ہم نے پروکبڈی کو پروموٹ کیا، جس کے بعد کبڈی کے شائقین کی تعداد کرکٹ سے بھی زیادہ ہوگئی ۔ انہوں نے کہا کہ آج پورے ملک میں کبڈی کو بہت زیادہ اہمیت دی جارہی ہے۔

بھٹکل کے کبڈی کھلاڑیوں کے تعلق سے انہوں نے کہا کہ یہاں کے نوجوانوں میں کبڈی کا بہت بہترین ٹیلنٹ پایا جاتا ہے، لیکن یہاں کے کھلاڑیوں کو بھٹکل سے باہر جانے کا موقع نہیں مل رہا ہے۔بی سی رمیش نے نوجوان کھلاڑیوں سےمخاطب ہوتے ہوئے کہا کہ بھٹکل میں آپ کے پاس کھیلنے کے لئے بڑا گرائونڈ موجود ہے،  آپ اس کا فائدہ اُٹھائیں۔ آپ ڈسٹرکٹ اسوسی ایشن کے ذمہ داروں کے رابطے میں رہیں، اُن کے ذریعے ڈسٹرکٹ لیول پر کھیلنے کی کوشش کریں، وہاں سے آپ ریاستی سطح پر جاسکتے ہیں، آپ اسپورٹس اینڈ یوتھ منسٹر سے رابطہ کریں، اُن کو ٹورنامنٹوں میں مدعو کریں اُن کی مدد لیں اور نیشنل لیول تک جانے کی کوشش کریں۔

انہوں نے بھٹکل مسلم یوتھ فیڈریشن کے ذمہ داروں سے درخواست کی کہ وہ یہاں کے کھلاڑیوں کو بنگلور میں کسی کلب میں جوائنٹ کرائیں،ساتھ ساتھ  یہاں کی ایک مضبوط ٹیم  بناکر بنگلور آئیں،  کلب کے ساتھ کھیلیں۔انہوں نے وعدہ کیا کہ وہ  ریاستی سطح کے کبڈی ٹورنامنٹوں میں بھٹکل کی ٹیم کا نام  کھیلنے کے لئے   پیش کریں گے  اور بھٹکل کی ٹیم کو کھیلنے کا بھرپور موقع فراہم کریں گے جس کے ذریعے بھٹکل کے کھلاڑیوں کو آگے بڑھنے کا موقع ملے گا۔ بی سی رمیش نے یقین دلایا کہ وہ بھٹکل کے کھلاڑیوں کو آگے بڑھانے اپنی جانب سے ہرممکن تعائون کریں گے۔

مسٹر بی سی رمیش نے کہا کہ ایک وقت تھا کہ کرناٹک سے اشونی نانجپا، ارجن دیویا اور آنند شٹی جیسے کئی کھلاڑی نیشنل لیول پر پہنچتے تھے تو جیت کر ہی واپس لوٹتے تھے، اُس وقت ہمارے کھلاڑیوں میں کچھ کرنے کا جذبہ ہوتا تھا، فزیکل فٹنس پر زیادہ توجہ دیتے تھے، بہت زیادہ محنت کرتے تھے، اُن کی غذا بھی آرگینک ہوا کرتی تھی، مگر آج نوجوان پان ، گھٹکا،  شراب اور گانچہ پیتے ہیں۔ نوجوانوں  کو معلوم نہیں ہے کہ جو طاقت ناریل کے پانی اور گنے کے جوس میں ہے، وہ پیپسی اور کوکاکولا میں نہیں ہے۔ انہوں نے کہا کہ آج اسپورٹس میں چین ہندوستان سے آگے بڑھ گیا ہے، ہمارے نوجوانوں کو کھیل میں بھی آگے آنے کی ضرورت ہے اور ملک کی نمائندگی کرنے کے لئے بہت زیادہ محنت  کرنے کی ضرورت ہے۔

پروگرام کے مہمان خصوصی جناب عتیق الرحمن مُنیری نے نوجوانوں سے مخاطب ہوتے ہوئے کہا کہ آپ قوم کی امانت ہیں، اس لئے آپ کو اپنا وقت صرف کھیل اور تفریح میں ضائع نہیں کرنا چاہئے۔ انہوں نے نوجوانوں کو کئی نصیحتوں سے نوازنے کے ساتھ ساتھ بھٹکل اسپورٹس ڈاٹ کوم کے روح رواں جناب وسیم کے ایم صاحب کی بھی تعریف کی اور کہا کہ یہ وہ نوجوان ہے  جو کچھ کرنے کا عزم کرتا ہے  تو کرکے ہی دم لیتا ہے۔

قومی سماجی ادارہ مجلس اصلاح و تنظیم بھٹکل کے جنرل سکریٹری جناب محی الدین الطاف کھروری نے بھٹکل یوتھ فیڈریشن کے ساتھ مل کر بھٹکل کے نوجوانوں کو آگے لانے اور کھلاڑیوں کے ریکارڈ کو محفوظ کرنے کے اقدام  پر بھٹکل اسپورٹس ڈاٹ کوم کی تعریف کی۔ انہوں نے کہا کہ بیس پچیس سال سےیہاں  ٹورنامنٹ ہورہے تھے مگر ہمارے پاس  اُن کی تاریخ نہیں ہے،  کسی کھلاڑی کا ریکارڈ نہیں ہے،  مگر اب  وسیم صاحب نے جو کوشش کی ہے، وہ آنے والی نسلوں کے لئے بھی فائدہ مند ہوگا۔فیڈریشن کے ذمہ داروں سے مخاطب ہوتے ہوئے انہوں نے  کہا کہ بھٹکل  کے کھلاڑیوں کے اندر ہنر ہے اور اچھی صلاحیت ہے، مگر ہمارے کھلاڑی بھٹکل سے باہر نہیں نکل  پارہے ہیں۔ انہوں نے مشورہ دیا کہ  بھٹکل کے کھلاڑیوں کا انتخاب کرکے صرف ایک یا دو ٹیم بنا کر کرکٹ یا کبڈی کی ٹیم کو ضلعی لیول اور ریاستی لیول پر کھلائیں، جس سے کھلاڑیوں کا ٹیلنٹ باہر آئے گا اور آگے بڑھنے کا موقع ملے گا۔ 

کرناٹک کے اتھلیٹ مدثر ائیکری سمیت دیگر مہمانوں نے بھی اس  موقع پر اپنے اپنے تاثرات پیش کئے۔ بھٹکل مسلم یوتھ فیڈریشن کے صدر جناب امتیاز اُدیاور نے صدارت کرتے ہوئے اس بات کا اعلان کیا کہ  ہم نے  بہت جلد بھٹکل میں ایک کوچ لانے کا منصوبہ بنایاہے، ہم  ایک ماہ کا کیمپ رکھیں گے، جس کی بنیاد پر  پہلے ہم ایک مضبوط  کبڈی ٹیم تیار کریں گے۔ انہوں نے اس کیمپ اور ٹیم کی تیاری میں ہندوستان کے سابق کپتان رمیش کمار سے تعائون کرنے کی درخواست کی۔

حسن رضا کی تلاوت کلام پاک کے بعدعبداللہ حِبّان نے خوبصورت آواز میں نعت رسول پیش کی۔ بھٹکل اسپورٹس ڈاٹ کوم کی جانب سے مبشر حُسین ہلارے نے  پروگرام کی غرض و غایت نیز بھٹکل اسپورٹس ڈاٹ کوم کا مختصر تعارف مع مہمانوں کا استقبال کیا، بھٹکل کے معروف کومنٹیٹر مسٹر سمیر مومن  نے نظامت کی، جس کے بعد مہمانوں کے ہاتھوں قریب پچاس کھلاڑیوں کو انعامات و اعزازات سے نوازا گیا۔ آخر میں مبشر حُسین ہلارے کے کلمات تشکر پر جلسہ اختتام کو پہنچا۔

پروگرام کی وڈیو ریکارڈنگ:

 

ایک نظر اس پر بھی

مڈکیری میں سیلاب سے متاثرہ علاقہ کے دورہ کے وقت ہی زمین کھسک گئی؛ ایم پی اور ایس پی بال بال بچ گئے

ضلع کورگ کے مڈکیری عرف مرکیرہ کے رکن اسمبلی اپاجو رنجن کے  بارش سے متاثرہ علاقوں کا  دورہ کرنے کے موقع پر اچانک زمین کھسکنے کی واردات پیش آئی ہے، بتایا گیاہے کہ ان کے ہمراہ ضلع کورگ کی ایس پی ڈاکٹڑ سومنا پنّیکر بھی موجود تھی۔

سولیا میں دو گانجہ فروش گرفتار۔ گانجہ،رکشہ اور موٹر بائک ضبط

ڈسٹرکٹ کرائم انویسٹی گیشن بیورو کے انسپکٹر سنیل وائی نائیک کی قیادت میں پولیس ٹیم نے کسبا گاؤں میں ویویکانند سرکل پر موٹر بائک اور رکشہ کو روک کر تلاشی لی تو گانجہ فروشی کا معاملہ سامنے آیا ۔ اس سلسلے میں دو ملزمین کوگانجہ سمیت گرفتار کیاگیا ہے۔

ریاست کرناٹک میں جاری موسلادھار بارش کی وجہ سے کئی اضلاع متاثر؛ مڈکیری میں قیامت صغریٰ کا منظر

بادل کے پھٹ پڑنے اور جگہ جگہ پہاڑاور زمینات کے کھسکنے سے کورگ ضلع کی حالت بہت ہی سنگین ہوگئی ہے۔ندیوں میں طغیانی ، تیز رفتار سے بہتا پانی ، کھسکتے پہاڑ و زمین کی وجہ سے کورگ ضلع  میں قیامت صغریٰ کا منظر ہے۔ جان ومال کے بھاری نقصان کو دیکھتے ہوئے راحت کاری کے لئے آرمی اور نیوی کے ...

پیر ا ٹیبل ٹینس میں شہرت کی بلندیوں کو چھو رہے ہیں کمٹہ کے نوجوان کھلاڑی ناظم

ہمارے ملک میں نوجوان کھلاڑی زیادہ تر مقبول عام کھیل کرکٹ کی طرف ہی راغب ہوتے ہیں۔ لیکن اس رجحان کے برخلاف ضلع شمالی کینرا کے ایک نوجوان کھلاڑی نے پیرا ٹیبل ٹینس میں نہ صرف دلچسپی لی ہے بلکہ اس میدان میں ریاستی، نیشنل اور انٹرنیشنل سطح پر اپنی صلاحیتوں کا مظاہرہ کرتے ہوئے ...

ہندوستان ہاکی ٹیم نے نیوزی لینڈ کو 4-0سے شکست دے کر کیا سیریز میں وائٹ واش

ہندوستانی مرد ہاکی ٹیم نے آج یہاں نیوزی لینڈ کو تیسرے اور آخری میچ میں 4-0سے شکست کر ٹیسٹ سیریز میں ان کا خاتمہ کیا۔ ہندوستان کے لئے روپندر پال سنگھ (آٹھویں منٹ)، سریندر کمار (15 ویں منٹ)، مندیپ سنگھ(44 ویں منٹ) اور آکاش دیپ سنگھ (60ویں منٹ)نے گول کئے۔

مڈکیری میں سیلاب سے متاثرہ علاقہ کے دورہ کے وقت ہی زمین کھسک گئی؛ ایم پی اور ایس پی بال بال بچ گئے

ضلع کورگ کے مڈکیری عرف مرکیرہ کے رکن اسمبلی اپاجو رنجن کے  بارش سے متاثرہ علاقوں کا  دورہ کرنے کے موقع پر اچانک زمین کھسکنے کی واردات پیش آئی ہے، بتایا گیاہے کہ ان کے ہمراہ ضلع کورگ کی ایس پی ڈاکٹڑ سومنا پنّیکر بھی موجود تھی۔

نابالغ 5 سال کی بھتیجی کے ساتھ چچا نے کیا ریپ ، قتل کرکے جنگل میں پھینکا

مدھیہ پردیش کے رائے سین ضلع میں نابالغ سے ریپ کا ایسا معاملہ سامنے آیا ہے ۔ جس میں ایک چچا نے چاچا ۔ بھتیجی کے رشتے کو شرمسار کر دیا ہے۔ چاچا نے پانچ سال کی بھتیجی کے ساتھ ریپ کرکے اس کا قتل کرکے اسے جنگل میں پھینک دیا۔