بھٹکل:11/ستمبر (ایس اؤنیوز)بلدیہ حدود کے آسارکیری ، سونار کیری علاقے میں اندرونی نالیوں کی بدنظمی کی وجہ سے گندہ پانی پینے کے پانی کے کنوؤوں میں شامل ہونے کو لے کر فوری مسئلہ حل کرنے کی مانگ لے کر علاقے کےعوام نے بلدیہ چیف آفیسر کو میمورنڈم سونپا۔
میمورنڈم میں اے ڈی بی کے ماتحت تعمیر کردہ ڈرنیج کا سسٹم غیر سائنٹفک ہے، گندہ پانی کنوؤو ں میں شامل ہونے سے عوام کو پینے کا پانی ملنا محال ہورہاہے، گذشتہ 2-3سالوں سے علاقے کے عوام موسم گرما اور موسم باراں میں باری باری الگ الگ مسائل سے جوجھ رہے ہیں۔ بارش کے موسم نالیوں کا گندہ سڑک پر بہتاہے ،گندی بو پھیل جاتی ہے عوام کا چلنا پھرنا دشوار ہوجاتاہے اور شام میں مچھروں کی بھرمار بیماریوں کو دعوت دیتی ہے۔ علاقے میں ڈینگو، چکن گونیا ، ملیریا ، ٹائفائیڈ جیسی بیماریوں کے پھیل رہی ہیں ، اس سے پہلے عوام بیماریوں کا شکار ہومشکلات میں گھریں بلدیہ کو چاہئے کہ وہ فوری طورپر مسئلہ کو حل کرنے کا مطالبہ میمورنڈم میں کیاگیاہے۔ علاقہ کے لیڈر کرشنا نائک نے بات کرتے ہوئے کہاکہ اگر مسئلہ کا حل نہیں کیا گیا تو سخت احتجاج کرنےکی دھمکی دی ۔
چیف آفیسر کے نہ ہونے کی وجہ سے منصوبہ جات آفیسر وینوگوپال شاستری نے میمورنڈم قبول کیا۔ اس موقع پر وینکٹیش نائک، سچن مہالے ، پرکاش نائک، نتیش مہالے، ستیہ نارائن شیٹھ، بال چندرمہالے، ایشور نائک، ماروتی نائک، وٹھل مہالے وغیرہ موجود تھے۔