بھٹکل:30/اگست(ایس او نیوز)شرالی جنتا ودھیالیا کے لکچرر ہونپیا گو نگاکے کہانیوں کے دوسرے مجموعے ’’ارتھ (معنی )‘‘کا بزرگ ادیب ڈاکٹر رام کرشنا گندی نے اجراء کیا۔

اس کے بعد خطاب کرتے ہوئے موصوف نےکہاکہ ہمارا آس پاس کا معاشر ہ  ہی ہمیں کہانی لکھنے کے لئے ترغیب دیتاہے، زندگی کے حقیقی واقعات کو زیر بحث لایا جاتا ہے جس کے نتیجےمیں زندگی کو تجسس کی نگاہ سے دیکھتے ہیں، نوجوانوں کو ادب کی طرف لے جانا ہے۔ بزرگ ادیب وشنو نائک نے اجراء کردہ مجموعے ارتھ پر تبصرہ کرتے ہوئے کہاکہ متعلقہ مجموعہ قاری کوپکڑے رکھتے ہوئے اس کے دل میں اترنےمیں کامیاب ہے۔ انجمن ڈگری کالج بھٹکل کےصدر شعبہ کنڑا آر ایس نایک نے مجموعہ کا تعارف کیا ۔ کینرا ویلفیر ٹرسٹ کے انتظامیہ افسر کے وی شٹی نے صدارت کی ، پرنسپال اے بی رام رتھ ، شری نواس مہالے ، وشنو شانبھاگ موجود تھے۔ مجموعہ کے مصنف گونگا نے افتتاحی کلمات پیش کئے ۔ لکچرر ٹی بی مڈیوال نے نظامت کی تو لکچرر سی پرکاش نے شکریہ اداکیا۔