بھٹکل:7/اپریل (ایس او نیوز)مرحوم ایس ایم یحییٰ کے کٹر حمایتی منجپا نائک کے فرزند،بھٹکل تعلقہ شرالی علاقہ کے لیڈر ، وکیل سنتوش نائک ضلع نگراں کاروزیر آر وی دیش پانڈے، ضلع کانگریس صدر بھیمنانائک اور رکن اسمبلی منکال وئیدیا کی موجودگی میں کانگریس میں شمولیت اختیار کرنے سے حلقہ میں کانگریس کے لئے راستے موزوں ہونے کی بات کہی جارہی ہے۔
اس سے قبل کانگریس پارٹی کے جنرل سکریٹری کے طورپر پارٹی کی خدمت انجام دینےو الے سنتوش نائک 2008اور2013میں بھٹکل حلقہ سے کانگریس ٹکٹ کے لئے بھی کوشش کئے تھے ، ناکامی کے بعد 2013میں ہی جےڈی ایس میں شامل ہوکر وہاں ٹکٹ حاصل کرنےکی کوشش کی تھی ۔ بدلے سیاسی حالات کی وجہ سے سیاست سے کچھ دنوں کے لئے دوررہنے والے سنتوش نائک دوبارہ کانگریس میں شامل ہوئے ہیں۔