بھٹکل:9/ اکتوبر(ایس اؤ نیوز)ہوناور میں محکمہ تعلیمات عامہ کی طرف سے منعقدہ پرائمری اسکول ضلعی سطح کے کھیل مقابلوں میں تعلقہ کی شرالی چتراپور سرکاری پرائمری اسکول کے دو طلبا ریاستی سطح کے لئے منتخب ہونے کی جانکاری اسکول کی طرف سے جاری کردہ پریس ریلیز میں دی گئی ہے۔ اسکول کے متعلم کلدیپ کمار جگتپال ڈسک تھرو، جاولین تھرو ،لانگ جمپ میں اول مقام کے ساتھ انفرادی چمپئین شپ کا خطاب حاصل کرکے ریاستی سطح کے لئے منتخب ہو ا ہے۔
اسی طرح اسکول کے اور ایک طالب علم مندار وینکٹ رمن نائک 400میٹر اور 600میٹر دوڑ میں دوم مقام پا کر ریاستی سطح کے لئے منتخب ہوا ہے۔ بقیہ طلبا میں پونیت نارائن نائک ہرڈلس میں سوم اور 4x100میٹر ریلے میں اسکول ٹیم دوم مقام پائی ہے۔ کھیل مقابلوں میں طلبا کی بہترین کارکردگی پر اور ان کی تربیت کئے فزیکل ٹیچر رام داس اگیر کو اسکول انتظامیہ ترقی بورڈ کے صدر ، ممبران ، صدر مدرس ، اساتذہ وغیرہ نے مبارکباد ی دی ہے۔