بھٹکل :طلبا سائنسی مطالعہ کے ساتھ سائنٹفک فکر کو بھی اپنائیں : ہائی اسکول طلبا کے سائنسی پروگرام
بھٹکل:7/ دسمبر(ایس اؤنیوز)طلبا صرف امتحانات کے لئے سائنس کا مطالعہ نہ کریں بلکہ سائنٹفک فکر کو اپناتے ہوئے نئی تخلیق و اکتشافات کے لئے دروازے واکرنے کی کارگزار بی ای اؤ یلما نے بات کہی۔
وہ یہاں دی نیو انگلش پی یو کالج بھٹکل ، بی ای اؤ دفتر اور بھارت وکاس پریشد بھٹکل شاخ کے اشتراک سے تعلقہ کے ہائی اسکول طلبا کے لئے منعقدہ سائنسی تخلیقات 2017پروگرام کا افتتاح کرنے کے بعد خطاب کررہی تھیں۔ مقابلہ میں تعلقہ کے 24ہائی اسکول کے طلبا شرکت کئے تھے۔
مقابلے میں مرڈیشور کی آر این ایس ودیا نکیتن ہائی اسکول اول، سرکاری ہائی اسکول بیلکے دوم اور دی نیو انگلش ہائی اسکول کے طلبا نے سوم انعام حاصل کیا۔ طلبا کی طرف سے رنجیتا ہیگڈے ، دیپالی نائک، ابھیشک نائک اور استاد سنتوش شٹی نے اپنے خیالات کااظہار کیا۔
کیمیکل کا استعمال کرتےہوئے دیا سلائی کے ذریعے پروگرام کا افتتاح کیا گیا ۔ بھٹکل ایجوکیشن ٹرسٹ کے صدر ڈاکٹر سریش نایک نے پروگرام کی صدارت کی۔ اگیانیشوری ایجوکیشن ڈگری کالج کے پرنسپال ڈاکٹر نرسمہا مورتی ، شرالی سینٹ تھامس اسکول کے پرنسپال سیاموئیل ورگس ، سرکاری ہائی اسکول گورٹے کے صدر مدرس راگھویندر نائک، کنڑا ساہتیہ پریشد کے صدر گنگادھر نائک، بی ای اؤ دفتر کے تعلیمی ناظم ایس پی بھٹ، تعلیمی صلاح کار بی آر کے مورتی ، مقابلے کے نگراں کار شیوپا موجود تھے۔
پرنسپال وریندر شانبھاگ نے استقبال کرتے ہوئے افتتاحی کلمات پیش کئے ۔ لکچرر ناگ لکشمی اور بھارت وکاس پریشد کے سکریٹری پرکاش شرالی نے شکریہ اداکیا۔ لکچرر اوشا بائی، لولیٹا روڈرگس اور رام چندر بھٹ نے نظامت کی۔
