بھٹکل میں 11اکتوبر کو ’’سوہاردا کرناٹکا ‘‘فرقہ وارانہ ہم آہنگی کے موضوع پر اہم پروگرام
بھٹکل:5/ اکتوبر (ایس اؤنیوز)’’سوہاردا کرناٹکا ‘‘ کےموضوع پر 11اکتوبر بروز بدھ کی صبح 30-10بجے بھٹکل اربن بینک ہال میں سماجی کارکنان، روشن خیال مفکروں ، ادیبوں ، یکساں ذہن والوں پر مشتمل ’’ایک گفتگو‘‘کا اہتمام کئے جانے کی سی پی آئی بھٹکل کے ذمہ دار سبھاش کوپی کر نے پریس ریلیز جاری کرتے ہوئے اطلاع دی ہے۔
پریس ریلیز کے مطابق فرقہ وارانہ ہم آہنگی اور بھائی چارگی کو فروغ دینے کے لئے سوہاردا کرناٹکا کے نام پر مختلف نظریات کے حامل افراد کے درمیان گفتگو کی جائے گی ، اور پرسکون زندگی کے لئے لائحہ عمل بنانے کی بات کہی ہے۔ متعلقہ پروگرام میں مفکر، کسانوں اور مزدوروں کے لیڈر سابق رکن اسمبلی شری رام ریڈی شرکت کریں گے۔ عوام سے کثیر تعداد میں شریک ہونےکی اپیل کی گئی ہے۔
