بھٹکل:24/مارچ(ایس اؤ نیوز)کومودا ابھرودھی سنستھے سانتونا مہیلا سہایاوانی کیندر ، کٹے ویرا، درگاپرمیشوری اور یکشویشوری استری شکتی سنگھ کے اشتراک سے بھٹکل میں یوم خواتین کی مناسبت سے مٹھلی کے ہال میں خواتین بیداری پروگرام منعقد کیا گیا ۔

محکمہ خواتین کی آفیسر پدما ایس رائے نے پروگرام کا افتتاح کرنے کے بعد خطاب کرتے ہوئے کہاکہ سانتونا کیندر کے ذریعے دکھی عورتوں کو مطمئن کرنے کام ہورہاہے ، عورتیں جن باتوں کو اپنے گھروں میں نہیں کہہ سکتیں وہ یہاں ہمدردی و راحت مرکز (سانتونا کیندر ) میں کھل کرکہیں ، تمہاری تکالیف کو دورکرنے کی کوشش کی جائے گی ۔ مٹھلی گرام پنچایت صدر امینا اسماعیل نے پروگرام کی صدارت کی۔ مہمان خصوصی کے طورپر تعلقہ پنچایت ممبر میناکشی جٹپا نائک، اے ایس آئی نوین جوگی ،ضلعی سنچالک مہیش بھنڈاری ، محکمہ اطفال کی آفیسر سوشیلا ، بھٹکل راحت مرکز کی کانچنا ٹی نائک وغیرہ موجود تھے۔ گنگاگوڈا نے استقبال اور شکریہ کے فرائض انجام دئیے تو کانچنانائک نے نظامت کی۔ اس موقع پر محکمہ اطفال کی آفیسر سوشیلا موگیر کی اداروں کی طرف سے تہنیت کی گئی ۔