بھٹکل کے جنتا بینک سمیت کئی ایک بینکوں پر قرضہ دار سنگھا نے لگایا غریبوں کی جائیداداور زیورات وغیرہ لوٹنے کا الزام

Source: S.O. News Service | By Abu Aisha | Published on 17th May 2017, 7:46 PM | ساحلی خبریں |

بھٹکل:16/مئی (ایس اؤنیوز)تعلقہ کی جنتا کوآپریٹیو بینک میں انشورنس کی رقم غلط استعمال کئے جانے کے متعلق لوک آیوکتہ نے جو حکم جاری کیا ہے اس کے مطابق بینک کے اعلیٰ افسران اشوک ہیگڈے اور درگپا نائک کے خلاف بھٹکل پولس تھانے میں کیس درج ہواہے، ملزمان کے خلاف بینک انتظامیہ کارروائی کرنے کا بھٹکل قرضہ دار سنگھا کی طرف سے مطالبہ کیا گیا ہے۔

بدھ کی شام نجی ہوٹل میں پریس کانفرنس کے ذریعے بات کرتے ہوئے سنگھا کے صدر گنپتی نائک جالی نے کہا کہ کئی ایک کو آپریٹیو بینکوں میں حقوق انسانی کی خلاف ورزی ہورہی ہے، غریبوں کی جائیداد، سونا اور انشورنس کی رقم لوٹی جارہی ہے،جنتا بینک میں سال 2007اور2008میں غریبوں کے انشورنس کی رقم لوٹے جانے کے خلاف 2015میں ثبوتوں کے ساتھ لوک آیوکتہ کو شکایت دی گئی تھی ، لوک آیوکتہ نے ملزموں کے خلاف کریمنل مقدمہ درج کرنے کی ہدایات جاری کی ہیں۔ پولس فوری طورپر ملزموں کو گرفتار کرکے عدالت میں پیش کرنے کی انہوں نے مانگ کی ۔چونکہ ہمیں پوری جانکاری 7-8سال بعد ملی اسی لئے کیس درج کرانے میں دیر ی ہونے کی بات کہی۔ موصولہ اطلاع کے مطابق متاثرین کو انشورنس رقم سودسمیت ادا کی گئی ہے، لیکن افسران نے جو غلطی کی ہے اس کو نظر انداز کرنا ممکن نہیں ہے، اکثر متاثرین غریب ہوتے ہیں اسی لئے ان کی طرف سے ہم جدوجہد کررہے ہیں۔بینک کی طرف سے مجھ پر الزام عائد کیاگیا ہے کہ میں ایک ڈفالٹر ہوں اور قرضہ معاف کرنے کے لئے افسران پر دباؤ ڈالا ، جب اس میں کامیابی حاصل نہیں ہوئی تو غیر متعلقہ معاملات کو لے کر شکایت درج کرنے والے الزام میں کوئی سچائی نہیں ہے، میرا معاملہ عدالت میں زیر بحث ہے اور مجھے یقین ہے کہ مجھے انصاف ملے گا۔ اس موقع پر ایم ڈی نائک، ایم ایم نائک، سلیمان ، محمد اشفا ق طاہرہ وغیرہ موجود تھے۔

 

ایک نظر اس پر بھی

بھٹکل:لاپتہ مخدوم کالونی کی گونگی خاتون کا ابھی تک کوئی سراغ نہیں :پتہ دینے والے کو نقد انعام

مہینہ پہلے کنداپور سے لاپتہ ہوئی بھٹکل شہر کے مخدوم کالونی کی مکین گونگی خاتون زلیخہ (50)کا ابھی تک کوئی سراغ نہیں ملا ہے، والدہ کی تلاش میں سرگرداں اولاد ، ماں کا پتہ دینے والوں کو نقد انعام دینے کا اعلان کیا ہے۔

کنداپور:واراہی آب پاشی منصوبے کے متاثرین میں معاوضہ کی تقسیم میں ہورہی دیری پروزیر پرمود مدھواراج گرم

اُڈپی ضلع نگراں کار وزیر پرمود مدھواراج کی صدارت میں واراہی آب پاشی منصوبہ کی ترقی جائزہ میٹنگ کنداپور تعلقہ پنچایت ہال میں منعقد ہوئی ۔ میٹنگ میں شکایت کردہ ایک شخص بھی نہیں تھا صرف محکمہ جات کے افسران کو ہی بعض ہدایات کو سماعت کرنی پڑی ۔

منگلورو: غیرقانونی پارکنگ اور باکڑادکانوں کے خلاف پالیکا میئر کی قیادت میں کارروائی کی شروعات

شہر ی سطح پر ٹرافک نظام کو سہولت فراہم کرنے اور نقل و حمل میں آسانی پیداکرنےکے لئے منگلورو مہا نگر پالیکامیئر کویتا سنیل کی قیادت میں جمعہ کی صبح سے ہی باکڑا دکانوں اور سڑکوں پر موجود غیر قانونی جائیداد کو نکال باہرکرنےکی کارروائی شروع کی گئی ۔

بھٹکل:آئی آر بی کمپنی کے معاوضہ ادائیگی تفریق کو دور کرنے کامطالبہ :تحصیلدار کو سونپا میمورنڈم

تعلقہ کے بینگرے دیہات کے ملاری مقام پر پتھر کان کنی کی وجہ سے نقصان زدہ خاندان کو آئی آر بی کمپنی کی طرف سے معاوضہ تقسیم میں ہوئی تفریق کو صحیح کرنے کی مانگ لے کر بھٹکل بی جے پی کی طرف سے تحصیلدار کو میمورنڈم سونپا گیا ۔

بھٹکل:راگھویندرا بھٹ اور وٹھل داس کو بھٹا کلنکا ایوارڈ : یوم صحافت کی مناسبت سے جرنالسٹ اسوسی ایشن کا خصوصی پروگرام

بھٹکل جرنالسٹ اسوسی ایشن کی طرف سے ہرسال یوم صحافت کے موقع پر دئیے جانےو الے ’’بھٹاکلنکا ‘‘ ضلعی ایوارڈ کے لئے ریاست کے مشہور کنڑا روزنامہ ’’پرجا وانی ‘‘ کے بھٹکل رپورٹر راگھویندر بھٹ جالی اور ہبلی زون ہوسدگنت کے وٹھل داس کامت کو منتخب کیا گیا ہے۔