بھٹکل :جوے کے اڈے پر پولس کا چھاپہ : 9گرفتار
بھٹکل:13؍نومبر (ایس او نیوز)تعلقہ کے کونار گرام پنچایت بیلورومنے حدود میں بھٹکل دیہی تھانہ پولس نے جو اکھیلنے کے دوران چھاپہ مار کر 9افراد کو گرفتار کرنے کا واقعہ اتوار کی شام پیش آیاہے۔
گرفتار شدگان کی شناخت کنہیا نائک نوج، گوند نائک بیلکے، دیویندر نائک گولی بیلورو، مادیو جنا نائک یلووڑی کوؤور ، ناگیش شیروگار سبتے، سنیا نائک گولی بیلورو، کرشنا گوندگونڈ کونار، ملا گونڈ کونار، نارائن گونڈ ہڈین کے طورپر کی گئی ہے۔ یہ تمام ضمانت پر رہا کئے گئے ہیں۔ موصولہ اطلاعات کے مطابق بیلورو منے حدود میں یہ تمام مرغوں کی لڑائی پر رقم لگاکر جوا کھیل رہے تھے۔ پولس مصدقہ خبر پر کارروائی کرتے ہوئے گرفتار کرنے کی بات کہی جارہی ہے۔ ملزمان سے پولس نے 4مرغے ، 2چاقو، 2990روپئے نقد ضبط کرلئے گئے ہیں۔ بھٹکل دیہی پولس تھانہ میں کیس داخل کرلینے کے بعد جانچ کی جارہی ہے۔