بھٹکل رویل ٹیم کا کھلاڑی کرناٹک اسٹیٹ کبڈی ٹیم کے لئے منتخب؛ 4 نومبر کو جھارکھنڈ میں کھیلے گا پہلا میچ

Source: S.O. News Service | By I.G. Bhatkali | Published on 3rd November 2017, 2:06 AM | ساحلی خبریں | اسپورٹس | ان خبروں کو پڑھنا مت بھولئے |

بھٹکل 3؍ نومبر(ایس او نیوز)بھٹکل کے اسپورٹس شائقین کے لئے بڑی خوش خبری یہ ہے کہ بالاخر بھٹکل کا ایک کھلاڑی کافی عرصہ بعد کرناٹک اسٹیٹ انڈر 16 کبڈی ٹیم کے لئے منتخب ہوگیا ہے۔ بھٹکل رویل اسپورٹس سینٹر کا کھلاڑی صیام رکن الدین شیکھرے اُن 300 کھلاڑیوں میں سے منتخب ہوا ہے جو بنگلور میں منعقدہ کھلاڑیوں کے سلیکشن کے عمل میں شریک ہوا تھا۔ بتایا گیا ہے کہ ریاست بھر سے قریب 300 کبڈی کھلاڑی بنگلور میں منعقدہ سلیکشن کیمپ میں شریک ہوئے تھے جس میں سے چھان چھان  کر پہلے 40 کھلاڑیوں کا انتخاب ہوا، پھر اُس میں کانٹ چھانٹ کے بعد 20 کھلاڑیوں کا انتخاب کیا گیا اور فائنل راؤنڈ میں 12 کھلاڑیوں کا انتخاب عمل میں آیا۔ تمام راؤنڈ میں بھٹکل کے صیام رکن الدین نے بہترین رائیڈنگ کا مظاہرہ پیش کیا اورکامیابی کی سیڑھیاں چڑھتے ہوئے کرناٹک اسٹیٹ کبڈی ٹیم میں جگہ بنانے میں کامیاب ہوگیا۔

پڑوسی علاقہ شیرور کے گرین ویلی نیشنل اسکول میں نویں درجہ میں زیرتعلیم صیام رکن الدین نے اس سے قبل بھٹکل میں منعقدہ جونئیر کبڈی کیمپ میں شریک ہوا تھا، یہاں انہوں نے بہترین پرفارمینس پیش کرتے ہوئے سبھی سلیکٹروں کی نظروں میں آگیا۔ بھٹکل مسلم یوتھ فیڈریشن اور بھٹکل کبڈی فیڈریشن نے اُسی وقت بھانپ لیا تھا کہ یہ کھلاڑی بہت آگے تک جاسکتا ہے، لہٰذا اُسے پہلے بھٹکل کی تعلقہ ٹیم کے لئے منتخب کیا گیا ، بھٹکل کی کبڈی ٹیم جب ڈسٹرکٹ لیول ٹورنامنٹ کے لئے سرسی روانہ ہوئی تو وہاں پر بھی اس کھلاڑی نے اپنی بہترین چھاپ چھوڑ دی۔ان کے کھیل کو دیکھ کر ضلع اُترکنڑا کبڈی فیڈریشن کے صدر سورج سونی بھی بے حد متاثر ہوئے ، جہاں سے  انہیں ضلعی کبڈی ٹیم میں منتخب کیا گیا۔

حال ہی میں جب بنگلور میں کھلاڑیوں کا سلیکشن کیمپ منعقد کیا گیا تو بھٹکل کبڈی فیڈریشن کے جنرل سکریٹری شری دھر نائک نے صدر محمد صادق مٹا اور دیگر اراکین سے صلاح و مشورہ کرکے بھٹکل سے صیام رکن الدین کا نام پیش کیا، ساحل آن لائن سے گفتگو کرتے ہوئے شری دھر نائک نے بتایا کہ صیام کے کھیل سے وہ پہلے ہی واقف تھے، اس لئے انہوں نے جھٹ سے ان کا نام پیش کیا۔ ضلعی کبڈی فیڈریشن کے صدر سورج سونی نے بھی صیام کو آگے بڑھانے کی حامی بھری اور شری دھر نائک خود صیام کو لے کر بنگلور پہنچے اور اپنی جانب سے اس کھلاڑی کو آگے پہنچانے میں اہم رول ادا کیا۔ شری دھر نائک نے بتایا کہ اس تعلق سے بھٹکل مسلم یوتھ فیڈریشن کے صدر امتیاز اُدیاور نے بھی اس کھلاڑی کو آگے پہنچانے میں کافی محنت کی ہے۔شری دھر نائک کے مطابق بنگلور سلیکشن کیمپ میں ضلع اُترکنڑا سے جملہ تین کھلاڑیوں کے نام پیش کئے گئے تھے، جن میں صرف صیام کا ہی انتخاب عمل میں آیا۔

امتیاز اُدیاور نے بتایا کہ بھٹکل مسلم یوتھ فیڈریشن اور بھٹکل کبڈی فیڈریشن دونوں کی کوششوں سے یہ کھلاڑی ریاستی کبڈی ٹیم انڈر 16 میں منتخب ہوا ہے، امتیاز کے مطابق صیام کو آگے بڑھانے میں اس کے والد عُزیر رکن الدین نے بھی کافی جدوجہد کی ہے۔ ان کے مطابق بھٹکل میں قریب ڈیڑھ سال قبل جو کبڈی کا جونئیر کیمپ رکھا گیا تھا، اُسی سے اس کھلاڑی کے جوہر کھل کر سامنے آگئے تھے ۔

صیام نے ساحل آن لائن کو بتایا کہ جھارکھنڈ میں منعقدہ نیشنل لیول کبڈی ٹورنامنٹ میں شریک ہونے کے لئے اُسے گرین ویلی نیشنل اسکول کی طرف سے بھی بھرپور تعاؤن ملا ہے، صیام کے مطابق اسکول میں فرسٹ سیمسٹر کے امتحانات چل رہے ہیں، مگر ریاستی کبڈی ٹیم میں منتخب ہونے پر اسکول انتظامیہ نے بھی اپنی جانب سے نیک خواہشات کا اظہار کرتے ہوئے ٹورنامنٹ میں شریک ہونے کی اجازت دی ہے۔

صیام کل 4 نومبر کو جھارکھنڈ میں منعقدہ نیشنل لیول کبڈی ٹورنامنٹ میں اپنا پہلا میچ کھیلے گا۔ 4 نومبر کو شروع ہونے والا یہ ٹورنامنٹ 7 نومبر تک چلے گا۔ توقع کی جارہی ہے کہ صیام قومی سطح کے ٹورنامنٹ میں بھی بہترین کھیل کا مظاہرہ پیش کرتے ہوئے نہ صرف بھٹکل بلکہ ضلع اُترکنڑا اور ریاست کرناٹک کا نام روشن کرے گا۔

 

ایک نظر اس پر بھی

سرسی میں آنگن واڑی ملازمین کی طرف سے وزیر اننت کمار کے دفتر کے روبرو احتجاج اور میمورنڈم کی پیشی

مرکزی حکومت کی طرف سے آئی سی ڈی ایس(انٹیگریٹیڈ چائلڈ ڈیولپمنٹ سروس) کے طریقۂ کار میں تبدیلیاں لانے کے خلاف اور آنگن واڑی ملازمین کی تنخواہوں میں اضافہ کا مطالبہ کرتے ہوئے کرناٹکا راجیہ آنگن واڑی نوکررا سنگھا(رجسٹرڈ) کے زیر اہتمام سرسی میں مرکزی وزیر اننت کمار ہیگڈے کے دفتر کے ...

جنوری 21 کو ہوگا انجمن حامئی مسلمین بھٹکل کا سالانہ جلسہ؛ ممبران سے بھاری تعداد میں شرکت کی اپیل

بھٹکل کا قومی تعلیمی ادارہ انجمن حامئی مسلمین کا سالانہ جلسہ مورخہ 21 جنوری بروز اتوار صبح 10:30 بجے انجمن جوکاکو شمس الدین میموریل بلڈنگ میں منعقد کیا گیا ہے جس میں سالانہ آڈٹ شدہ حسابات برائے سال 2016 / 2017 پر مشتمل سالانہ رپورٹ پیش کیا جائے گا۔ جلسہ میں ممبران کو انجمن کی ...

بھٹکل سرکاری اسپتال کی بدنظمی کے متعلق میڈیا میں رپورٹ شائع ہونےکے بعد ضلعی میڈیکل آفیسر کا اسپتال دورہ : تعلقہ میڈیکل آفیسر پر الزامات کی بوچھار

بھٹکل سرکاری اسپتال میں 9ڈاکٹرس خدمات پر مامور ہونے کے باوجود پیر کے دن کوئی بھی ڈاکٹر حاضر نہیں ہونے کی میڈیا میں رپورٹ میں شائع ہونے کے بعد ضلع میڈیکل آفیسر ڈاکٹر اشوک کمار تعلقہ اسپتال کا دورہ کرتے ہوئے اسپتال کا معائنہ کیا اور اسپتال کی بد نظمی کے متعلق تعلقہ میڈیکل آفیسر ...

ہوناور میں ایک کالج طالبہ کی عصمت دری کی کوشش؛ عوام نے نوجوان کو پکڑ کر کیا پولس کے حوالے

یہاں سے قریب 38 کلو میٹر دور ہوناور میں پولس نے ایک  کالج طالبہ کی  عصمت دری کرنے کی کوشش کے الزام میں ایک 26 سالہ نوجوان کو گرفتار کرلیا ہے جس کی شناخت  ہوناور کے النکّی کے رہنے والے  گرو راما گوڈا کی حیثیت سے کی گئی ہے۔

برسٹل کیس، بین اسٹوکس کیخلاف چارج شیٹ تیار

انگلش آل راؤنڈر بین اسٹوکس کی باعزت کرکٹ مقابلوں کی امیدوں کو جھٹکا لگ گیا ، کلب جھگڑے کی پاداش میں ان پر عوامی مقام پر مارنے اور دنگے کے الزام میں ان کے خلاف باقاعدہ چارج شیٹ تیار کرکے مقدمہ چلانے کا اعلان ہوگیا ہے،

ہوناور میں ایک کالج طالبہ کی عصمت دری کی کوشش؛ عوام نے نوجوان کو پکڑ کر کیا پولس کے حوالے

یہاں سے قریب 38 کلو میٹر دور ہوناور میں پولس نے ایک  کالج طالبہ کی  عصمت دری کرنے کی کوشش کے الزام میں ایک 26 سالہ نوجوان کو گرفتار کرلیا ہے جس کی شناخت  ہوناور کے النکّی کے رہنے والے  گرو راما گوڈا کی حیثیت سے کی گئی ہے۔

بھٹکل انجمن ہائی اسکول کے ہونہار طلبہ کو گولڈ میڈلس؛ محمد عمر کو ملا ’وقار اسلامیہ ‘ اور امیر معلم نے حاصل کیا ’وقارِ انجمن‘ ایوارڈ

15جنوری برو ز پیر کو انجمن میدان میں منعقدہ اسلامیہ اینگلو اردو ہائی اسکول اور انجمن بائز ہائی اسکول کے 78واں سالانہ جلسہ میں اسلامیہ ہائی اسکول کے محمد عمر ابن جیلانی اکرمی کو ’وقار ِاسلامیہ ‘ اور انجمن بائز ہائی اسکول کے امیر ابن منیر محی الدین معلم کو’وقار ِ انجمن ‘ایوارڈ ...

مقتول الیاس کی بیوی کاپیغام پولیس کے نام۔ انصاف نہیں ملا تو جان دے دوں گی!

حال ہی میں قتل کیے گئے بدنام زمانہ ٹارگٹ گروپ کے گُرگے الیا س کی بیوی فرزانہ نے پولیس کے نام کھلے خط میں اپنے لئے انصاف دلانے کا مطالبہ کیاہے اور کہا ہے کہ اگر الیاس کے قاتلوں کو گرفتار کرکے اس کے ساتھ انصاف نہیں کیاگیا تو وہ اپنی جان دیدے گی۔