بھٹکل :20/ستمبر(ایس اؤ نیوز) تعلقہ کے ہڈین دیہات میں اتی کرم سرکاری ہاڑی زمین ک(سروے نمبر 95) کو تحصیل افسران نے جمعرات کو نکال باہر کرنے کا واقعہ پیش آیاہے۔
جمعرات کی صبح صبح پولس سکیورٹی کے ساتھ تحصیل آفیسر گنپتی میتری کی قیادت میں افسران جائے وقوع پہنچ کر جے سی بی کے ذریعے اتی کرم کو ہٹانے کی کارروائی شروع کی۔ اتی کرم دار ناگیش لچمیا نائک کے گھروالے افسران سے درخواست کی کہ ہم لوگ بہت پہلے سے یہاں مقیم ہیں، یہیں پر پیڑ پودے اگا کر اپنی زندگی کے تعمیر کی کوشش میں ہیں، زمین مسطح کی گئی تو ہمیں دوسری زمین نہیں ہے۔ اس لئے زمین ہمارے لئے چھوڑد یں۔ اسی دوران افسران اور گھروالوں کے درمیان باتونی نوک جھونک بھی ہوئی ۔ بات نہیں بنی تو ناگیش نائک کے والدین جے سی بی کے سامنے سوکر کارروائی کو روکنے کی مانگ کی۔ مگر افسران اس کی پرواہ نہ کی، پولس عملے نے دونوں کو وہاں سے نکال لانے کے بعد کارروائی جاری رہی ۔
معاملے کو لے کر افسران نے کہاکہ متعلقہ زمین اتی کرم نہ کرنے کے لئے انہیں سمجھاتے رہے ہیں، یہ معاملہ کرناٹکا زمین قبضہ جاتی خصوصی عدالت بنگلورو میں چل رہاہے، لیکن اتی کرم دار اس سے قبل اتی کرم کی گئی زمین سے ہٹ کر زائد زمین اتی کرم کرتے ہوئے آگے بڑھ رہے ہیں۔ جس سے عوام کو چلنے پھرنے میں دقت ہورہی ہے۔ ہمیں اتی کرم نکال باہر کرنےکے سوا کوئی چارہ نہیں ہونے کی افسران نے جانکاری دی۔ ولیج اکاؤنٹنٹ اور معاونین کارروائی میں شریک تھے۔