پی یو سی پرچوں کی دوبارہ جانچ کے بعد سہنا ایم نائک کو بھٹکل تعلقہ میں اول مقام
بھٹکل:14/جون (ایس اؤنیوز)گذشتہ مارچ میں منعقد ہوئے پی یو سی دوم کے سالانہ امتحانات میں سدھارتھ پی یو کالج کی طالبہ سہنا ایم نائک نے ملے ہوئے نمبرات سےاطمینان حاصل نہ کرتے ہوئے اپنے پرچوں کی دوبارہ جانچ کی درخواست کی تھی، جس کے بعد اُسے سات زائد نمبرات حاصل ہوئے ہیں، جس کے ساتھ ہی سہنا ایم نائک نے جملہ 585 مارکس حاصل کرتے ہوئے بھٹکل تعلقہ میں اول مقام حاصل کیا ہے، جبکہ ضلعی سطح پر اُسے پانچواں مقام ملا ہے۔
مئی کے مہینے میں جب نتائج کا اعلان ہوا تو سہنا نائک کو کل 578نمبرات حاصل ہوئے تھے ۔ طالبہ نے اپنے انگریزی پرچے کی دوبارہ جانچ کے لئے درخواست دی تو اس میں 7زائد مارکس حاصل ہوئے ہیں ۔ طالبہ کی بہترین کارکردگی پر کالج کی پرنسپال ارچنا یو، لکچررحضرات اور دیگر ذمہ داروں نے مبارکباد پیش کی ہے۔