بھٹکل:22/ جولائی(ایس او نیوز) کچھ دنوں کے وقفے کے بعد اب گذشتہ دو تین دنوں سے بھٹکل تعلقہ میں پھر بارش کا سلسلہ شروع ہوگیا ہے اوربرس رہی بارش کے نتیجے میں تعلقہ کے ہنومان نگر علاقہ میں ایک گھر منہدم ہونے کا واقعہ جمعرات کی رات کو پیش آیا ہے۔
مادیو جٹپا نائک کے مکان کی دیواریں بارش کی وجہ سے ڈھ گئی ہیں،البتہ تعجب کی بات یہ ہے کہ کوئی جانی نقصان نہیں ہواہے۔ مکان کی دیواریں گرنے سے پورا مکان ہی بیٹھ گیا ہے، جس کے نتیجے میں قریب ایک لاکھ مالیت کا نقصان ہوا ہے۔ بھٹکل ودھان سبھا حلقہ کے رکن اسمبلی منکال وئیدیا ، بلاک کانگریس صدر وٹھل نائک و دیگر ذمہ داران نے متعلقہ مکان پر پہنچ کر خاندان والوں کو دلاسہ دیا ہے۔ اس موقع پر رکن اسمبلی منکال وئیدیا نے اپنی طرف سے 10ہزارروپیوں کا تعاون بھی کیا ہے۔ تحصیلدار وی این باڈکر اوربھٹکل پی ڈبلیوڈی انجنئیر ونایک شیٹھ موجود تھے۔