بھٹکل میں کل جمعہ کو ہوگا رابطہ تعلیمی ایوارڈ ؛ ریاستی وزیریوٹی قادرہوں گے مہمان خصوصی

Source: S.O. News Service | By Abu Aisha | Published on 10th August 2017, 6:36 PM | ساحلی خبریں | ان خبروں کو پڑھنا مت بھولئے |

بھٹکل:10/اگست (ایس اؤنیوز)خلیجی ممالک میں قیام پذیر (این آر آئیز)بھٹکلی احباب کی نمائندہ تنظیم ’’رابطہ سوسائٹی ‘‘کے زیر اہتمام کل بروز جمعہ شام 30-04بجے  اسلامیہ اینگلو اردو ہائی اسکول میدان میں’’رابطہ تعلیمی ایوارڈ‘‘پروگرام منعقد ہوگا جس میں قومی و ملی اسکولوں کے ہونہار طلبا کو گولڈ میڈل سے نوازا جائے گا۔ اس بات کی جانکاری  ادارے کے سابق جنرل سکریٹری محی الدین رکن الدین نے دی ہے۔

جمعرات کو رابطہ سوسائٹی دفتر میں پریس کانفرنس سے گفتگو کرتے ہوئے انہوں بتایاکہ پروگرام میں مہمان ِ خصوصی کے طور پرریاستی کابینہ کے وزیر برائے غذااور شہری سپلائی  یوٹی قادر تشریف فرما ہوں گے، ساتھ ساتھعلی گڑھ مسلم یونیورسٹی کے شعبہ قانون کے صدر اور آل انڈیا مسلم پرسنل لاء بورڈ کے ممبر ڈاکٹر محمد شکیل احمد صمدانی اور بھٹکل  رکن اسمبلی منکال وئیدیا بھی شرکت کریں گے۔

پروگرام میں سال 2016-2017کے ایس ایس ایل سی امتحانات کے نتائج میں ضلع میں سب سے زیادہ نمبرات حاصل کرتے ہوئے پہلا مقام پانے والے طالب علم کو ضلعی ایوارڈ دیاجائے گا، اسی طرح بھٹکل کی سطح پر ملی اداروں  کے  ایس ایس ایل سی ، پی یو سی ، ڈگری اور مدرسہ تعلیم میں سب سے زیادہ نمبرات حاصل کرنے والے طلبا کو رابطہ گولڈ میڈل سے نوازا جائے گا ، انہوں نے بتایا کہ طلبا میں مسابقہ کو ترغیب دینے کے لئے اس طرح کے ایوارڈ ئیے جاتے ہیں۔

محی الدین رکن الدین نے بتایا کہ رابطہ سوسائٹی سال 1996سے تعلیمی میدان کی ترقی کی خاطر طلبا میں ایوارڈ کی تقسیم کرتی آرہی ہے۔ ہر سال کسی ایک اسکول کی سال بھر کی تعلیمی ترقی کو دیکھتے ہوئے بہترین اسکول کا ایوارڈ بھی دیا جاتاہے، اسی طرح تدریسی میدان میں خدمات انجام دینے والوں کی خدمات کا عتراف کرتے ہوئے رابطہ بیسٹ ٹیچر ایوارڈ بھی دیا جاتا ہے ۔پریس کانفرنس میں رابطہ  کے سابق صدر محمد صادق پلور، سکریٹری مولانا تنویر جوشیدی سمیت دیگر اراکین موجود تھے۔

ایک نظر اس پر بھی

اُترکنڑا کے مختلف علاقوں میں سنگھ پریوار کے کارکنوں کے ہنگاموں سے بھٹکل میں بھی تشویش کی لہر؛ کل بدھ کو بھٹکل بندکا اعلان؛ مرڈیشورکے ایک مکان پر پتھرائو

گذشتہ کچھ دنوں سے ضلع اُترکنڑا کے مختلف شہروں میں ہورہے سنگھ پریوار کے کارکنوں کے احتجاج کے نام پر  ہنگاموں کو دیکھتے ہوئے  شہر بھٹکل کے عوام میں بھی تشویش پائی جارہی ہے، ایسے میں وہاٹس ایپ پر کنڑا کا ایک مسیج تیزی کے ساتھ وائرل ہورہا ہے جس میں بتایا گیا ہے کہ کل بدھ کو بھٹکل، ...

ہوناور میں لاپتہ ہونے والا سرسی کا نوجوان زندہ سلامت مل گیا؛ چار روز تک پاگلوں کی طرح جنگل کی خاک چھانتا رہا

چار روز قبل جمعہ کے دن ہوناور کے ہاڈین بال میں شرپسندوں کے حملوں کے بعد لاپتہ ہونے والا سرسی کا نوجوان آج ہوناور کے جنگل میں زندہ سلامت مل گیا، جس کے ساتھ ہی اُن کے گھر پر رونق لوٹ آئی اور گھروالوں سمیت مقامی لوگوں نے اللہ کا شکر بجالیا۔

کیا ہوناور،کمٹہ اور کاروار کے وُکلا نے مسلم گرفتارشدگان کے معاملات کی پیروی نہ کرنے کا فیصلہ کیا ہے ؟

ہوناورمیں گذشتہ روز ایک نوجوان کی لاش قریبی تالاب سے برآمد ہونے کے بعدمسلمانوں کو اُس کے قتل کا ذمہ دار ٹہراتے ہوئے  نہ صرف ہوناور بلکہ کمٹہ اور ضلع کے دیگر علاقوں میں بھی مسلمانوں کے خلاف منظم سازش کے تحت فضا تیار کی جارہی ہے اور  غیر مسلمانوں کو مسلمانوں پر حملہ کرنے کے لئے ...

ہوناور اور کمٹہ کے بعد اب سرسی میں بی جے پی اور سنگھ پریوار کے کارکنوں کا ہنگامہ؛ مسجد اور دکانوں پر پتھرائو کے بعد پولس لاٹھی چارج

  بی جے پی اور سنگھ پریوار کے کارکنوں کی جانب سے ہوناور اور کمٹہ میں پریش میستا کی موت کو لے کر ہنگامہ کھڑا کرنے کے بعد آج سرسی میں بھی ان کارکنوں نے  توڑپھوڑ مچانے کی کوشش کی، جس کے دوران پولس نے لاٹھی چارج کرتے ہوئے  اُن کی کوششوں کو ناکام بنادیا۔

’’بھگوا غنڈہ گردی ملک کی سلامتی کے لیے سب سے بڑا خطرہ ‘‘: آل انڈیا امامس کونسل

ہندوتواوادی اور فسطائی غنڈے نے پھر سے ملک کو شرمسار کر دیا۔ ایک نہتے اور بے قصور مزدور افراز الاسلام کو مزدوری دینے کے بہانے بلاکر پھاوڑے سے قتل کر دینا اور پھر پٹرول چھڑک کر آگ لگا کر جلا دینا ملک کے لیے ایک انتہائی شرمناک معاملہ ہے۔