بھٹکل:18/ اگست (ایس اؤ نیوز)  یلووڑی کوؤور گرام پنچایت حدود کی پرورگا ہائر پرائمری اسکول کے اساتذہ کو زائد اسامی ہونے کے نتیجے میں تبادلہ  کیاگیا ہے۔ مقامی عوام نے اساتذہ کے تبادلے سے بچوں کی تعلیم متاثر ہونے کا الزام عائد کرتے ہوئے والدین اور سرپرستوں کےساتھ سنیچر کو  اسکول کے سامنے احتجاج کیا۔

سنیچر کی صبح ٹھیک 30-08بجے اسکول کے سامنے حاضر ہوکر والدین، سرپرست ، اسکول ترقی بورڈ کے ممبران نے تبادلے کو رد کئے جانے پر زور دیا۔ انہوں نے بتایا کہ کہ اسکول 100برس کی تاریخ رکھتی ہے ، علاقے کے عوام کی ذمہ داری بنتی ہے کہ اس تاریخی اسکول کو باقی رکھیں۔ ہر جگہ انگریزی میڈیم کی طرف رجحان ہونے کے باوجود اسکول کو بچانےکی کوشش کی جارہی ہے، فی الحال یہاں 74طلبا زیر تعلیم ہیں۔ اسکول ترقی بورڈ انتظامیہ سے گفتگو کئے بنا اساتذہ کا تبادلہ کرنا صحیح نہیں ہے۔ تبادلے سے طلبا کی تعلیم متاثر ہوگی اور عوام میں سرکاری اسکولوں کے متعلق غلط پیغام جائے گا، اگر یہ اسکول بند ہوتی ہے تو اس کی ذمہ داری راست طورپر افسران پرہوگی۔ احتجاجی بضد تھے کہ بی ای اؤ جائے وقوع پہنچ کر میمورنڈم حاصل کرے۔ بلاک ایجوکیشن آفیسر ایم آر منجی جائے وقوع پہنچ کر میمورنڈم حاصل کرنے کے بعد ضروری اقدام کرنےکاتیقن دیا۔اور کہاکہ جن اسکولوں میں طلبا کی شرح کے مطابق زائد اساتذہ ہیں سرکاری سطح پر ان کے تبادلے کاکام جاری ہے، میں اسکول کا مسئلہ اعلیٰ افسران کے سامنے پیش کرتے ہوئے حل نکالنے کی کوشش کرونگا۔  اس موقع پر اسکول الومنی کے صدر انپانائک ، اسکول انتظامیہ کے صدر منجوناتھ آچاریہ ، ایرپا گرڈیکر، اُدئیے  نائک، دیویا نارائن نائک، جٹپا نائک، بھاسکر آچاری ، مادیو نائک، قادر باشاہ ، گنیش پائی ، ساویتری پجاری وغیرہ موجود تھے۔