بھٹکل:16/مارچ (ایس او نیوز) گذشتہ جون میں مرکزی حکومت کی طرف سے ملازمین سے کیا گیا وعدہ ابھی تک وفا نہ کرتے ہوئے دھوکہ دینے کا الزام عائد کرتے ہوئے آل انڈیا پوسٹ ایمپلائز اسوسی ایشن کاروار ، بھٹکل شاخ کے ممبران نے جمعرات کو پوسٹ آفیس کے سامنے احتجاج کیا۔
احتجاجیوں نے مرکزی حکومت سے مطالبہ کیا کہ حکومت فوری طورپر ملازمین کی تنخوایں ، دیگر سہولیات کے متعلق ضروری اقدام کرے۔ پنشن کے متعلق کیا گیا وعدہ پورا کرے ۔ دیہی پوسٹ ملازمین کو محکمہ ملازمین کے طورپر شما رکیا جائے ۔ اس موقع پر ملازمین اسوسی ایشن کے اُدئیے شرالیکر، نارائن جی دیواڑیگا، پرکا ش شٹی ، بی جی ہیگڈے ، کرشنا نائک، ایل کے اپادھیا، ایم آئی نائک، ستیش آچاریہ ، جیشن فرنانڈیز وغیرہ موجود تھے۔