بھٹکل: سڑی لکڑیوں سے بھی بدترحالت میں مہمان پولس کے رہائشی مکانات

Source: S.O. News Service | Published on 2nd September 2016, 9:35 PM | ساحلی خبریں | اسپیشل رپورٹس |

بھٹکل:2/ اگست(ایس او نیوز)بھٹکل کے حالات کو کبھی پرامن ہونے نہیں دیا جاتا ، ابھی امن بحال ہونے کی خبریں موصول ہوتی رہتی ہیں تو شرپسند عناصر اور فرقہ پرست سیاست دان کی کرتوتوں سے حالات بگڑنے کی اطلاعات ملتی ہیں۔ یعنی بھٹکل میں امن کو بحال رکھنے کے آثار نظر نہیں آرہے ہیں۔ ویسے کوئی پولس افسر بھی ایسا نہیں ہوگا جس نے یہاں سرویس نہیں کی ہوگی۔ مرکزی ریزرو پولس دستہ ، ریاستی ریزرو دستہ سے لے کر ریاست کے ہر مقام کی پولس بھٹکل کی قائم مہمان بنتی رہی ہے۔ ایسے  حالات میں اعلیٰ افسران کے حکم پر بھٹکل پہنچنے والے  پولس عملے کے رہائشی مکانات کو دیکھیں تووہ  سڑی ہوئی لکڑی سے بھی بدتر حالت  میں ہیں۔

عام طورپر پولس کے متعلق عوام ہمیشہ ایک طرح کراہت محسوس کرتے ہیں، دوری برتنا بہتر سمجھتے ہیں، سفارش وغیرہ کے معاملے میں پولس کے پاس جانے میں ایک طرح خوف محسوس کرتے ہیں۔ کچھ کانسٹبل ایسے بھی ہیں جو ضلع ایس پی سے زائد اختیارات کی طرح رویہ برتتے ہیں، اس میں بھٹکل کے پولس تھانوں میں کب سدھار ہوگا کہنا مشکل ہے۔ لیکن ان سب کو کنارے رکھ کرہماری طرح انسانوں کی زندگی کی نظر سے ان کی زندگی پر نظر ڈالیں تو بہت افسوس ہوتاہے۔ عید، تہوار، احتجاج، جلسہ جلوس، ریلی ، ہنگامہ خیزی ، اشتعال انگیزی جیسے موقعوں پر بھٹکل پولس کے ساتھ حفاظتی اقدامات کے لئے باہر کا قریب 100پولس عملہ یہاں پہنچتاہے۔ ان سب کو رہنے کےلئے پولس پریڈ میدان میں دودو رہائشی کامپلکس دئیے گئے ہیں۔ اپنی ڈیوٹی انجام دینے کےبعد آرام کے لئے پولس انہیں رہائشی مکانات کا رخ کرتےہیں، تعجب کی بات یہ ہے کہ جانوروں کو گوبرڈالنے سمیت آوارہ کتوں کے لئے بھی اسی کامپلکس میں جگہ دی گئی ہے۔ جہاں دیکھووہاں کچرے کا ڈھیرہے، اندر جانے کےلئے ناک بند کرناضروری ہے، اندر کی صورت حال اس  سے بھی ابتر ہے۔ ایسی جگہ پر اپنا ایک ٹاول اوڑھ کر مچھروں کی حکومت میں پولس کو نیند کرنا ہے، ٹائلٹ میں قدم رکھ ہی نہیں سکتے ، گندی بو سانس روک لیتی ہے، اس کے بالمقابل اندرونی نالیاں کچھ حد تک بہتر کہی جاسکتی ہیں۔ اِدھر اُدھر بکھرے بجلی کے اشیا ء،پولس نظام کو اندھیرے میں دھکیل دیتی ہے۔ اعلیٰ افسران کے خوف سے پولس عملہ اس درگت کو ظاہر نہیں کرتا۔ پولس سے پوچھا جائے تو کہا جاتاہے کہ جناب ! ہم کچھ نہیں کہیں گے، بولنا مشکل ہے، تم خود نظارہ کرو تو پتہ چلے گا، یہ کہہ کر معاملے کواپنے سینے میں ہی دبا لیتے ہیں۔

رہائشی مکانات کے حالات کو دیکھنےکے بعد سوال پیدا ہوتاہے  کہ کیا ان کی مرمت و درستی کے لئے محکمہ کی طر ف سے رقم نہیں دی جاتی ہے؟  کچھ دنوں پہلے اپنا سب کچھ چھوڑ چھاڑ کر ریاستی سطح پر احتجاج کے لئے آگے بڑھنے والے پولس کا معاملہ کی سب کو خبر ہے۔ بھٹکل رہائشی مکانات کی ابتر حالت کودیکھتے ہوئے شہر کے سنجیدہ شہریوں نے اعلیٰ افسران، عوامی نمائندوں سےمطالبہ کیاہے کہ وہ اس طرف توجہ دیں۔ اس سلسلے میں ساحل آن لائن نےجب اے ایس پی ڈاکٹر انوپ شٹی سے دریافت کیا تو انہوں نے جواب دیا کہ رہائشی مکانات بہت پرانے ہیں، اس کی درستگی کے لئے اعلیٰ افسران کو تحریری درخواست روانہ کی گئی  ہے، محکمہ کی طر ف سے معاشی طورپر منظوری ملی تو آگے بڑھ سکتے ہیں۔

ایک نظر اس پر بھی

بھٹکل کی ینگ اسٹار ٹیم نے جیتا ’دیواڑیگا کرکٹ ٹروفی ‘

تعلقہ کے بینگرے المنے میں سوستک یوتھ سنگھا اور ثقافتی کھیل سنگھا کے اشتراک سے منعقدہ دوروزہ سوپر سکس کرکٹ ٹورنامنٹ میں ماوین کٹا کی ینگ اسٹار کرکٹ ٹیم پہلا انعام حاصل کرتے ہوئے ’دیواڑیگا کرکٹ ٹروفی ‘ کی حق دار بنی ہے۔

یشونت پور۔منگلورو نئی ٹرین : سفر کے دنوں میں تبدیلی سے مسافر ناخوش

بنگلورو اور منگلورو کو جوڑنے والی نئی یشونت پور۔منگلورو ٹرین جوکہ رات کے وقت چلنے والی ہے اس کا جو ٹائم ٹیبل پہلے پیش کیا گیا تھا اب اس میں تبدیلی کی گئی ہے ، جس پر مسافروں نے اپنی بے اطمینانی کا اظہار کیا ہے۔

آننت کمار ہیگڈے۔ جو صرف ہندووادی ہونے کی اداکاری کرتا ہے ’کراولی منجاؤ‘کے چیف ایڈیٹر گنگا دھر ہیرے گُتّی کے قلم سے

اُترکنڑا کے رکن پارلیمان آننت کمار ہیگڈے جو عین انتخابات کے موقعوں پر متنازعہ بیانات دے کر اخبارات کی سُرخیاں بٹورتے ہوئے انتخابات جیتنے میں کامیاب ہوتا ہے، اُس کے تعلق سے کاروار سے شائع ہونے والے معروف کنڑا روزنامہ کراولی منجاو کے ایڈیٹر نے  اپنے اتوار کے ایڈیشن میں اپنے ...

کیا جے ڈی نائک کی جلد ہوگی کانگریس میں واپسی؟!۔دیشپانڈے کی طرف سے ہری جھنڈی۔ کانگریس کر رہی ہے انتخابی تیاری

ایسا لگتا ہے کہ حالیہ اسمبلی انتخابات سے چند مہینے پہلے کانگریس سے روٹھ کر بی جے پی کا دامن تھامنے اور بی جے پی کے امیدوار کے طور پر فہرست میں شامل ہونے والے سابق رکن اسمبلی جے ڈی نائک کی جلد ہی دوبارہ کانگریس میں واپسی تقریباً یقینی ہوگئی ہے۔ اہم ذرائع کے مطابق اس کے لئے ضلع ...

ضلع شمالی کینرا میں پیش آ سکتا ہے پینے کے پانی کابحران۔بھٹکل سمیت 11تعلقہ جات کے 423 دیہات نشانے پر

امسال گرمی کے موسم میں ضلع شمالی کینرا میں پینے کے پانی کا شدید بحران پیدا ہونے کے آثار نظر آر ہے ہیں۔ کیونکہ ضلع انتظامیہ نے 11تعلقہ جات میں 428دیہاتوں کی نشاندہی کرلی ہے، جہاں پر پینے کے پانی کی شدید قلت پیدا ہوگئی ہے۔

ہوناور قومی شاہراہ پرگزرنےو الی بھاری وزنی لاریوں سے سڑک خستہ؛ میگنیز کی دھول اور ٹکڑوں سے ڈرائیوروں اور مسافروں کو خطرہ

حکومت عوام کو کئی ساری سہولیات مہیا کرتی رہتی ہے، مگر ان سہولیات سے استفادہ کرنےو الوں سے زیادہ اس کاغلط استعمال کرنے والے ہی زیادہ ہوتے ہیں، اس کی زندہ مثال  فورلین میں منتقل ہونے والی  قومی شاہراہ 66پر گزرنے والی بھاری وزنی لاریاں  ہیں۔

لوک سبھا انتخابات 2019؛ کرناٹک میں نئے مسلم انتخابی حلقہ جات کی تلاش ۔۔۔۔۔۔ آز: قاضی ارشد علی

جاریہ 16ویں لوک سبھا کی میعاد3؍جون2019ء کو ختم ہونے جارہی ہے ۔ا س طرح جون سے قبل نئی لوک سبھا کا تشکیل ہونا ضروری ہے۔ انداز ہ ہے کہ مارچ کے اوائل میں لوک سبھا انتخابات کا عمل جاری ہوجائے گا‘ اور مئی کے تیسرے ہفتے تک نتائج کا اعلان بھی ہوجائے گا۔ یعنی دنیا کی سب سے بڑی جمہوریت 17ویں ...

2002گجرات فسادات: جج پی بی دیسائی نے ثبوتوں کو نظر انداز کردیا: سابق IAS افسر و سماجی کارکن ہرش مندرکا انکشاف

 خصوصی تفتیشی ٹیم عدالت کے جج پی ۔بی۔ دیسائی نے ان موجود ثبوتوں کو نظر انداز کیاکہ کانگریس ممبر اسمبلی احسان جعفری جنہیں ہجوم نے احمدآباد کی گلمرگ سوسائٹی میں فساد کے دوران قتل کردیا تھا انہوں نے مسلمانوں کو ہجوم سے بچانے اور اس وقت کے وزیر اعلیٰ نریندر مودی سے فساد پر قابو ...