بھٹکل پی ایل ڈی بینک ماوین کٹے شاخ کی عمارت منتقل
بھٹکل:26/جولائی (ایس اؤنیوز) بھٹکل زرعی اور دیہی ترقی بینک (پی ایل ڈی ) کی منکی کے ماوین کٹے شاخ کی عمارت مہالے کامپلکس سے جے جے ولا کی پہلی منزل پر منتقل ہونے کی بینک ذمہ داران نے جانکاری دی ہے۔
نئی بینک کا افتتاح بینک کے صدر دیوی داس نائک کائی کنی نے کیا۔ بینک اپنے گاہکوں کو بہتر خدمات دینے کے لئے کوشاں ہے ، پی ایل ڈی بینک کی گوکرن ، سرسی ، سداپور میں نئی شاخوں کے افتتاح کے لئے منظوری ملی ہے جس کے تحت بہت جلد سرسی میں شاخ قائم کئے جانےکی اطلاع دی ۔ اس موقع پر بینک کے نائب صدر مہیش نائک، ڈائرکٹر ایشور سبرائے نائک، منجوناتھ نائک جالی ، سریش جے نائک، جنرل مینجر وی ایم نائک ، برانچ مینجر ناگراج گجنی کر وغیرہ موجود تھے۔