بھٹکل:27/جولائی (ایس اؤنیوز)مستقبل میں پینے کے پانی کے مسائل میں اضافہ ہونے والا ہے، عوام کو چاہئے کہ وہ پیشگی طورپر بیدار ہوکر درختوں کی نصب کاری کرتے ہوئے خطرے سے نجات پانے کا ہاڈولی گرام پنچایت کے سابق صدر ایم ڈی پاشورناتھ گوڈا نے خیال ظاہر کیا۔

وہ یہاں ہاڈولی کے سرکٹ ہاؤس میں پودوں کی تقسیم کاری پروگرام کی صدارت کرتے ہوئے خطاب کررہے تھے۔ گرام پنچایت کے ترقی جات آفیسر کریپا نائک نے خطاب کرتے ہوئے کہاکہ گرام فاریسٹ کمیٹی پر بہت اہم ذمہ داری ہے ، جنگلات اور اس کی پرورش سے عوام کو کیا کیا فائدے ہوتے ہیں اس کی جانکاری عوام کو دیں۔ ڈائس پر زونل فاریسٹ آفیسر جینت کانچریکر، پنچایت کے معاون محاسب واسو بی ، فاریسٹ محکمہ کے رام نائک اور عوامی کی نمائندگی کرتےہوئے گجانن بھٹ نے خطاب کیا۔ فاریسٹ سکیورٹی گارڈ مرتنجیا نے استقبال کرتے ہوئے شکریہ اداکیا۔