بھٹکل:12/جون (ایس اؤنیوز)تعلقہ میں برس رہی موسلا دھار بارش سے اب تک جہاں بہت سارے نقصانات کی خبریں موصول ہورہی ہیں، اتوار کی رات لگاتاربرستی بارش اور چلتی ہوئی تیز ہواؤں کے نتیجے میں مٹھلی گرام پنچایت حدود کے بیلل کھنڈ میں ایک گھر منہدم ہواہے۔

نقصان زدہ گھر کے مالک کی شناخت محبوب باشاہ مکاندار بتائی گئی ہے۔ رات بھر برسی بار ش سے چھت وزنی ہوگئی اور مٹی کی دیواریں نم ہونے سے چھت اور دیواریں ایک ساتھ زمین بوس ہونے کی ذرائع نے خبر دی ہے۔ گھر کے تمام مکین بغیر کسی جانی نقصان سے بچ گئے ہیں۔ محکمہ تحصیل کے افسران جائے وقوع کا معائنہ کیا ہے۔ گھر کو ہوئے نقصان کا اندازا 30ہزار سے زائد بتایا گیا ہے۔