بھٹکل:19/مئی (ایس اؤنیوز)آج کے نوجوانوں میں اخلاق و اقدارکم ہونے کی وجہ سے تعلیم کو صرف کمانے کی حد تک محدود نہ رکھتے ہوئے اخلاق و اقدار کے فروغ کے لئے معاون بنانے کا موظف استاد ایس جے کھیرن نے خیال ظاہر کیا۔
وہ یہاں نیو انگلش پی یو کالج میں ’’ایس ایس ایل سی کے بعد آگے کیا ‘‘اور ’’تعلیم اور زندگی کی اہمیت ‘‘نامی موضوعات پر منعقدہ ایک روزہ ورکشاپ کا افتتاح کرنے کے بعد خطاب کررہے تھے۔ انہوں نے کہاکہ آج کے طلبا والدین، بزرگ ، اساتذہ وغیرہ کی کوئی عزت نہیں کرتے ، ملک سے محبت، ایمانداری ، بھگوان سے لگاؤ او ر خود اعتمادی و خو د مختاری میں کمی ہونے پر افسوس کا اظہار کیا۔ بی آر کے مورتی نے طلبا کو ایس ایس ایل سی کے بعد موجود مختلف مواقع ، کورسس، ڈگریاں وغیرہ کے متعلق تفصیل سے بتایا ۔ بھٹکل ایجوکیشن ٹرسٹ کے صدر ڈاکٹر سریش نایک نے پروگرام کی صدارت کی۔ اگینانیشوری ایجوکیشن کالج کے پرنسپال ڈاکٹر نرسمہا مورتی موجود تھے۔ لکچرر لولیٹا نے استقبال کیا تو ناگ لکشمی نے نظامت کی اور پرنسپال ویریندر شانبھاگ نے شکریہ اداکیا۔